დააგვიანეს, ძალიან გაუგრძელდათ ივანიშვილის რესურსებზე პარაზიტირება

დააგვიანეს, ძალიან გაუგრძელდათ ივანიშვილის რესურსებზე პარაზიტირება - ხუხაშვილი "რესპუბლიკელების" მომავალზე

პოლიტიკა - 13:40, 12 Jul, 2016

2980

12 ოქტომბერს საქართველოს რესპუბლიკურმა პარტიამ საარჩევნო კამპანია დაიწყო. როგორც პარტიაში გამართულ ბრიფინგზე ითქვა, რესპუბლიკური პარტიის ეროვნულმა კომიტეტმა 2016 წლის 27 მარტს მიიღო გადაწყვეტილება ოქტომბრის საპარლამენტო არჩევნებში დამოუკიდებლად მონაწილეობის შესახებ.

დღესვე ცნობილი გახდა, რომ თავდაცვის მინისტრი თინათინ ხიდაშელი და შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი ტოვებენ თანამდებობებს.

გარემოსა და ბუნებრივი რესურსების დაცვის მინისტრმა გიგლა აგულაშვილმა სხვა არჩევანი გააკეთა, გაემიჯნა პარტიას და რჩება თანამდებობაზე.

"ნიუპოსტი" რესპუბლიკელების გადაწყვეტილებასა და მათ სამომავლო პერსპექტივებზე ექსპერტ გია ხუხაშვილს ესაუბრა.

ხუხაშვილის თქმით, მიუხედავად იმისა, რომ დავით უსუფაშვილი ქართულ სინამდვილეში მნიშვნელოვანი პოლიტიკური ფიგურაა, ოპოზიციაში გადაბარგებული პარტიას არჩევნებზე მნიშვნელოვანი შედეგის დადება გაუჭირდება.
ექსპერტი აცხადებს, რომ ”რესპუბლიკური პარტიას” არასდროს ქონია მოსახლეობის დიდი მხარდაჭერი.

”რესპუბლიკელებმა ძალიან დააგვიანეს. ძალიან გაუგრძელდათ ბიძინა ივანიშვილის რესურსებზე პარაზიტირება რომ სრულფასოვანი კამპანია დაეწყოთ. შესაბამისად ძალიან სკეპტიკურად ვუყურებ მათ შანსებს არჩევნებზე. ეს პარტია ქართულ საზოგადოებაში არც არასდროს სარგებლობდა განსაკუთრებული მხარდაჭერით, მათივე მენტორული ტონის გამო. მათი მხრიდან გამუდმებული აპელირება ინტელექტუალურ მხარეზე, ხშირად აჩენს იმის შეგრძნებას, რომ ეს ფსევდო ინტელექტუალიზმია - ამას ამომრჩეველი კარგად ხედავს"- აღნიშნა ექსპერტმა. ხუხაშვილი არ გამორიცხავს იმასაც, რომ აგულაშვილის გზას ძალიან ბევრი ”რესპუბლიკელი” დაადგება.