სპორტის სასახლეში გამართული შეხვედრა, ფაქტობრივად, სავსე ტრიბუნების ფონზე მიმდინარეობდა. შეხვედრის ორივე ტაიმი რუსეთის გუნდმა მოიგო. კულამ და დიეგოდუნიომ ქართველთა კარში 2-2 გოლი გაიტანეს, ერთი ბურთი კი ფუკინმა შეაგდო.

რაც შეეხება "იბერია სტარს", მათ მეორე ტაიმში ორი გოლის გატანა მოახერხეს. თავი აუგუსტომ და ფაბინიომ გამოიჩინეს.

აღსანიშნავია, რომ "იბერია სტარი" პირველად მოხვდა უეფას თასის ნახევარფინალში, დღევანდელი მარცხის შემდეგ კი მას შანსი აქვს, მესამე ადგილისთვის იბრძოლოს. ამ ორთაბრძოლაში იგი მეორე წყვილის დამარცხებულ გუნდს შეხვდება.

დღევანდელ შეხვედრას უეფას პრეზიდენტი მიშელ პლატინი, ბიძინა ივანიშვილი და კახა კალაძეც ესწრებოდნენ. პრემიერი მატჩის სანახავად ვაჟთან ერთად მივიდა.