კბილაშვილის პირადი ინტერესები ცენტრ პოინტში - რჩეულიშვილები ყოფილ მთავარ პროკურორზე საუბრობენ

პოლიტიკა - 15:41, 10 Jul, 2016

3085

ყოფილი მთავარი პროკურორის არჩილ კბილაშვილის პირად ინტერესებს უკავშირებს ,,ცენტრ-პოინტის“ თანამშრომლების დაკავებას ვახტანგ რჩულიშვილი. ყოფილი დეპუტატი ამბობს, რომ პროცესი 2 წელია მიმდინარეობს და მათი დაკითხვა არ მომხდარა. რჩეულიშვილის თქმით, საქმი გამოძიება მათ ინტერესებშიც შედის და ცენტრ პოინტის მფლობელებს საქმე პროკურატურაში გასაჩივრებულიც აქვთ.

,,ერთი თვის წინ ჩვენ მივმართეთ პროკურატურას, რომ ყველაფერს, ამ პროვოკაციას ცენტრ პოინტის წინააღმდეგ ამტკიცებს ის, რომ არჩილ კბილაშვილი, ვინც გასცა ეს ორდერი და სანქცია, იყო ცენტრ პოინტის საქმიანი პარტნიორი. ჩვენ ერთად გავაკეთეთ მშენებლობის ამხანაგობა. ამას მოყვა ის, რომ არჩილ კბილაშვილმა მოაწერა ხელი სანქციას რუსუდანის და მაიას წინააღმდეგ. ჩვენ ეს გავასაჩივრეთ, რასაც მოყვა გაძლიერება 30 კაცამდე პროკურატურის ბრიგადის. არ უნდა ჩავუგდოთ ხელში აღვირახსნილ ჩინოვნიკებს თავისი უფლებების გამოყენების შესაძლებლობა არჩევნებზე თავისი თავის დასაცავად“ - განაცხადა ვახტანგ რჩეულიშვილი.

შეგახსენებთ, ამ დროისთვის დაკავებულია ,,ცენტრ პოინტ აჭარის“ დირექტორი, ირაკლი მინდელი და გაყიდვების მენეჯერი სალომე ჩარკვიანი.