აჭარაში. ქობულეთის რაიონის სოფელ აჭყვისთავში მეწყერი ჩამოწვა. უსაფრთხოების მიზნით, ორი ოჯახი გახიზნულია საცხოვრებელი ადგილიდან. ისინი თავს მეზობლებთან აფარებენ. მიწის მასის ჩამოშლის შედეგად ჩაიკეტა შიდა სასოფლო გზა.

ჩამოწოლილმა მიწის მასამ ერთი მაქანა მოიყოლა. საბედნიეროდ, ავტომობილში არავინ იმყოფებოდა.

მოსახლეობა შიშობს, რომ მეწყერი კვლავ განვითარდება და ისინი ხელისუფლებისგან ყურადღებას ითხოვენ.

ადგილზე იმყოფებოდნენ გეოლოგები, რომლებიც ტერიტორიას სწავლობენ.