იუსტიციის საბჭოს მდივანი არასამთავრობო ორგანიზაციებისა და პრეზიდენტის საპარლამენტო მდივნის განცხადებებს პასუხობს. ლევან მურუსიძის თქმით მოსამართლეთა დანიშვნის პროცესთან დაკავშირებით გამოთქმული შენიშვნები მიუღებელია. იგი დარწმუნებულია, რომ გარკვეული ჯგუფები იუსტიციის საბჭოს იმიჯის შელახვით არიან დაინტერესებულნი.

„თუ კანდიდატი სცემს არასათანადო პასუხს ეს იუსტიციის უმაღლესი საბჭოს ბრალია? იუსტიციის უმაღლესმა საბჭომ დასვა შეკითხვები, ამიტომ ეს ყველაფერი მიმართულია იქეთ, შეიძლება იყო რომელიმე კანდიდატის მხრიდან დისკრიმინაციული, მაგრამ ეს ხომ არ ნიშნავს იმას, რომ ჩვენ ვნიშნავთ თუ არ ვნიშნავთ, ეს ცალკე საკითხია. ჩვენ კითხვა არ უნდა დაგვესვა? მაგაზე შევთანხმდეთ, თუ ჩვენ ვსვამთ კითხვას და კანდიდატი არასწორ პასუხს იძლევა, ეს იუსტიციის უმაღლესი საბჭოს ბრალია? მე მაქვს ასეთი მოწოდება, რომ საზოგადოების შეცდომაში შეყვანას თავი დაანებონ, თავად მობძანდნენ გასაუბრებებზე“, - განაცხადა ლევან მურუსიძემ.