აშშ-ს სახელმწიფო დეპარტამენტის სახელმწიფო მდივანს „თავისუფალი დემოკრატები“ ხვდებიან

პოლიტიკა - 19:41, 06 Jul, 2016

2345

.თბილისში, აშშ-ს სახელმწიფო დეპარტამენტის სახელმწიფო მდივნის ჯონ კერის ვიზიტის ფარგლებში დაგეგმილია შეხვედრები ოპოზიციის წარმომადგენლებთანაც. „თავისუფალი დემოკრატების“ ლიდერი ირაკლი ალასანია და პარტია „თავისუფალი დემოკრატების“ წევრ, დეპუტატ ვიქტორ დოლიძესთან ერთად აშშ-ს სახელმწიფო დეპარტამენტის სახელმწიფო მდივან ჯონ კერის 7 ივლისს სასტუმრო „რედისონში“ შეხვდება. შეხვედრაზე ,,თავისუფალი დემოკრატების“ მხრიდან განხილვის ძირითადი საკითხები იქნება: წინასაარჩევნო ვითარება საქართველოში, ვარშავის სამიტი და ევროინტეგრაცია, ამერიკის შეერთებული შტატების როგორც საქართველოს განსაკუთრებული სტრატეგიული პარტნიორის მნიშვნელობაზე. ვიზალიბერალიზაცია იქნება უმნიშვნელოვანესი თემა, რათა დროულად მოხდეს ინტეგრაციული პროცესების დაჩქარება. შიდაპოლიტიკური ვითარება, რეფორმები, დემოკრატია და ის რთული ვითარება რომელიც ამ კუთხით მიმდინარეობს, კაბელების საქმე იქნება მნიშვნელოვანი საუბრის თემა ისევე , როგორც მედია პლურალიზმი. ყველა საშინაო და საგარეო , მათ შორის უსაფრთხოების ფაქტორები. ,,აშშ-ს სახელმწიფო დეპარტამენტის სახელმწიფო მდივნის ვიზიტი საქართველოში კონკრეტული გზავნილის მატარებელი სიგნალია, ეს იქნება სიგნალი ჩვენი მხარდაჭერის, სიგნალი იმისა, რომ არჩევნები უნდა ჩატარდეს ზედმიწევნით დემოკრატიულად,სწორად და ყველა ის დემოკრატიული რეფორმა, რომელიც ქვეყანაში, განსაკუთრებით აშშ-ს, ჩვენი უმთავრესი სტრატეგიული პარტნიორის მეშვეობით ხორციელდება, იქნება ურყევი“, განაცხადა ვიქტორი დოლიძემ ჯონ კერის თბილისში ვიზიტთან დაკავშირებით