ამერიკის შეერთებული შტატების სახელმწიფო მდივანი ჯონ კერი საქართველოს მთავრობის ადმინისტრაციაში საქართველოს პრემიერ-მინისტრს, გიორგი კვირიკაშვილს შეხვდა. შეხვედრის შემდგომ გამართულ პრესკონფერენციაზე, ჯონ კერიმ აშშ-ს პრეზიდენტის ბარაკ ობამას მესიჯი გაახმოვანა. ასევე კერიმ ხაზი გაუსვა 8 ოქტომბერს საქართველოში დაგეგმილ საპარლამენტო არჩევნების თავისუფალ და მშვიდ გარემოში ჩატარების აუცილებლობას:

„შეხვედრაზე ასევე განვიხილეთ ჩვენი მზარდი ეკონომიკური მონაცემები, 15 მილიონიანი დოლარის ღირებულების პროგრამის დაანონსება მოვახდინეთ, იმისთვის, რომ საქართველოში ეკონომიკური მდგრადობა გამყარდეს, ასევე გვსურს გავამყაროთ საქართველოს სასამართლო სისტემის დამოუკიდებლობა, საქართველო გახლავთ დემოკრატიული ცვლილებების მოდელი, საარჩევნო ცვლილებების თვალსაზრისით სხვა ქვეყნებისთვის, ჩვენ დამოუკიდებლობისა და დემოკრატიული პროცესების საკითხებს ასევე წამოვჭრით ოპოზიციის ლიდერებთან, 8 ოქტომბერი იქნება კიდევ ერთი ლაკმუსის ტესტი საქართველოსთვის, თავისუფალი, სამართლიანი არჩევნები იქნება კიდევ ერთი ნაბიჯი უფრო მეტი უსაფრთხოების, სტაბილურობისა და საქართველოს მოსახლეობის ეკონომიკური აღმავლობისთვის, ჩვენ საუბრებში ხაზი გავუსვით საარჩევნო გარემოს თემებს, რომელიც ზეწოლისა და დაშინებისგან არის თავისუფალი და იმისთვის, რომ არ შეწყდეს ის პროცესი, რომელიც მიმართულია მასმედიის თავისუფლებისაკენ“, - განაცხადა ჯონ კერიმ.