„აშშ არ მიატოვებს ჩვენს ქვეყანას ოკუპანტი რუსეთის პირისპირ“- პეტრიაშვილი ჯონ კერის ვიზიტზე

პოლიტიკა - 16:03, 06 Jul, 2016

1763

„თავისუფალი დემოკრატების“ ლიდერი ალექსი პეტრიაშვილმა ამერიკის შეერთებული შტატების სახელწიფო მდივნის საქართველოში ვიზიტს ეხმაურება და მის მნიშვნელობაზე საუბრობს, განსაკუთრებულ ხაზს უსვამს იმას, რომ ვიზიტი ვარშავის ნატოს სამიტის წინა პერიოდში მიმდინარეობს.

როგორც პეტრიაშვილმა აღნიშნა, ნატოს ვარშავის სამიტზეც და მომავალშიც, ამერიკის შეერთებული შტატები გააძლიერებს საქართველოს მხარდაჭერას ნატოში გაწევრიანების თვალსაზრისით.

„ძალიან მნიშვნელოვანია საქართველოში ამერიკის შეერთებული შტატების სახელმწიფო მდივნის ვიზიტი. ეს არის ნატოს ვარშავის სამიტის წინ, ეს არის ძალიან მნიშვნელოვანი გზავნილი საქართველოს მხარდაჭერის ევროატლანტიკურ მისწრაფებასთან დაკავშირებით,
ამერიკის შეერთებულ შტატებს სწამს საქართველოსთან პარტნიორობის, ის მისთვის ძალიან მნიშვნელოვანი პარტნიორია. ამერიკის შეერთებული შტატების ინტერესი ჩვენს ქვეყანაში და რეგიონში, არსად წასულა და მე შემიძლია გითხრათ, რომ ტყუილად ნუ იოცნებებს ნურავინ, რომ ის მიატოვებს ამ ქვეყანას, მიატოვებს ამ რეგიონს ოკუპანტი რუსეთის პირისპირ,“ - განაცხადა ალექსი პეტრიაშვილმა.