საწყენია, რომ ამდენხანს არ ყოფილა მაღალი დონის ვიზიტი საქართველოში

საწყენია, რომ ამდენხანს არ ყოფილა მაღალი დონის ვიზიტი საქართველოში - თამარ ჩერგოლეიშვილი

პოლიტიკა - 15:28, 06 Jul, 2016

2509

„სჯობს გვიან ვიდრე არასდროს“ - ასე აფასებს აშშ-ს სახელმწიფო მდივნის ვიზიტს საქართველოში „ტაბულას“ მთავარი რედაქტორი თამარ ჩერგოლეიშვილი. ჩერგოლეიშვილი მიიჩნევს, რომ ასეთი მაღალი დონის ვიზიტი ძალიან მნიშვნელოვანია საპარლამენტო არჩევნებამდე სამი თვით ადრე:

„სჯობს გვიან ვიდრე არასდროს, საწყენია, რომ ამდენხანს არ ყოფილა მაღალი დონის ვიზიტი საქართველოში ჩვენი მთავარი პარტნიორი ქვეყნიდან, მაგრამ კარგია, რომ ეს ვიზიტი შედგა, განსაკუთრებით ნიშანდობლივია დრო, როდესაც ეს ვიზიტი ხდება არჩევნებამდე ორი-სამი თვით ადრე, ბუნებრივია, რომ ამას აქვს თავისი დატვირთვა და ბუნებრივია, რომ ამ ვიზიტის მთავარი მიზანი იქნება იმ გზავნილის გაშვება, რომ არჩევნები უნდა ჩატარდეს თავისუფლად, არჩევნები უნდა ჩატარდეს თავისუფალ გარემოში და ხელისუფლება უნდა შეეგუოას იმას, რომ მოუწევს ოპოზიციაში ყოფნა იმ შემთხვევაში თუ ქართველი ხალხი ასე გადაწყვეტს. ბუნებრივია ვაშინგტონი არ არის კრემლი, ვაშინგტონიდან არ ვიღებთ ჩვენ მითითებებს გზავნილი იქნება დიპლომატიური. ჩვენ გვახსოვს 2003 წელს ჩამოსული დელეგაცია, მაშინ ყურადარიღეს გაფრთხილება იმის შესახებ, რომ თავისუფალ გარემოში უნდა ჩატარდეს არჩევნები და ვიცით როგორ დამთავრდა. გვახსოვს იგივე მოწოდებები 2012 წელს და მაშინ ხელისუფლება საქართველოში მშვიდობიანი გზით პირველად შეიცვალა, ეს საქართველოს აქცევს ლიდერად რეგიონში დემოკრატიის კუთხით და ეს ასე უნდა გაგრძელდეს“, - განაცხადა თამარ ჩერგოლეიშვილმა.