„ჯონ კერის ჩამოსვლა არჩევნების წინა პერიოდში, ეს არის უპირველესად ქართველი ხალხის მხარდაჭერა“- ხათუნა ლაგაზიძე

პოლიტიკა - 15:13, 06 Jul, 2016

2703

ამერიკის შეერთებული შტატების სახელმწიფო მდივანი ჯონ კერის საქართველოში ვიზიტთან დაკავშირებით პოლიტიკური მოძრაობა პაატა ბურჭულაძე -სახელმწიფო ხალხისთვის წევრი, ხათუნა ლაგაზიძე გამოეხმაურა.

ლაგაზიძის განცხადებით, სახელმწიფო მდივნის ვიზიტი გარკვეულწილად უკავშირდება საქართველოში 8 ოქტომბერს დაგეგმილ საპარლამენტო არჩევნებს და შეხვედრებისას განხილვის ერთ-ერთი თემა, გარდა საქართველო-ნატოს ურთიერთობებისა, სწორედ საპარლამენტო არჩევნები იქნება.

„სწორედ იმისათვის, რომ საქართველოს პროდასავლური კურსი და საქართველოს უსაფრთხოება იქნეს უზრუნველყოფილი საპარლამენტო არჩევნების შედეგად, სასიცოცხლოდ მნიშვნელოვანი იყო და არის ჯონ კერის ვიზიტი სწორედ ახლა. იმიტომ, რომ ჩვენ ყველას კარგად გვახსოვს, რამხელა გავლენა მოახდინა ამერიკის უმაღლესი რანგის ვიზიტებმა, ასევე სასიცოცხლოდ მნიშვნელოვანი არჩევნების წინ იქნებოდა ეს 2003 თუ 2012 . ეს ვიზიტები ერთგვარად განაჩენის ტოლფასი აღმოჩდა მაშინდელი ხელისუფლებისთვის და მეორეს მხრივ განაპირობა ქართველი ხალხის, საქართველოს ამომრჩევლის ნების უზენაესობა“- აღნიშნა ლაგაზიძემ.