ამერიკის შეერთებული შტატების სახელმწიფო მდივანი საქართველოში ოფიციალური ვიზიტით იმყოფება. ჯონ კერი საქართველოს ხელისუფლებისა და ოპოზიციის წარმომადგენლებს შეხვდება. კერის ვიზიტს აფასებს საქართველოს პრეზიდენტის მრჩეველი, საგარეო ურთიერთობების მდივანი თენგიზ ფხალაძე:

„ყველა თემა რაც დღეს ჩვენთვის მნიშვნელოვანია, შიდა რეფორმები, მომავალი არჩევნები, დემოკრატიული განვითარება და ასე შემდეგ, ბუნებრივია, რომ განხილული იქნება შეერთებული შტატების სახელმწიფო მდივანთან, განსაკუთრებით მნიშვნელოვანია, რომ ეს ვიზიტი ხდება ახლა, ნატო-ს სამიტის წინ, უაღრესად მნიშვნელოვანია შეერთებული შტატების როლი ყველა იმ დემოკრატიული განვითარების პროცესებში, რაც ხორციელდება საქართველოში, რა თქმა უნდა ინტერესი არჩევნებთან მიმართებით ძალიან დიდია ჩვენი პარტნიორების მხრიდან“, - განაცხადა თენგიზ ფხალაძემ.