„ძალიან მნიშვნელოვანი ვიზიტია, ძალიან მნიშვნელოვან პერიოდში“ - ვიქტორ დოლიძე ჯონ კერის საქართველოში ვიზიტზე

პოლიტიკა - 14:33, 06 Jul, 2016

1402

„თავისუფალი დემოკრატების“ წევრის ვიქტორ დოლიძის განცხადებით აშშ-ის სახელმწიფო მდივნის ვიზიტი საქართველოსთვის მნიშვნელოვან პერიოდს ემთხვევა, მოახლოებულია ნატოს სამიტი:

„ის, რომ ნატოს სამიტის პრაქტიკულად პარალელურად მიმდინარეობს საქართველოსა და უკრაინაში ბატონი კერის ვიზიტი, ეს თავისთავად სერიოზული სიგნალია, ისევე როგორც წინასაარჩევნო პერიოდს უკავშირდება საქართველოში,“ - განაცხდა ვიქტორ დოლიძემ.

ჟურნალისტის კითხვაზე რამდენად შესაძლებელია პარალელი გაივლოს ჯონ კერის დღევანდელ ვიზიტი და 2012 წელს ჰილარი კლინტონის ვიზიტს შორის და ხომ არ ექნება აშშ-ის სახელმწიფო მდივანს საქართველოს ხელისუფლებასთან გზავნილი, რომ არჩევნების შემდეგ ხელისუფლების გადაბარება გამარჯვებული ძალისთვის მშვიდობიანად მოხდეს, ვიქტორ დოლიძემ განაცხადა, რომ სიტუაცია განსხვავებულია და ამ მხრივ კერის ვიზიტი კლინტონის ვიზიტის მსგავსი არაა:

„მე არ ვიტყოდი, რომ მიანცდამაინც მსგავსი ვიზიტია. რადგან, იმ პერიოდში არჩევნები იყო განსაკუთრებული, განსხვავებული. მაშინ ყველა ერთად ერთის წინააღმდეგ,“ - აღნიშნა ვიქტორ დოლიძემ.

დოლიძის თქმით, ის და ირაკლი ალასანია ჯონ კერისთან შეხვედრის დროს შეეხებიან შიდა პოლიტიკურ ვითარებას, დემოკრატიას, რეფორმებს, მათ შორის ე.წ. კაბელების საქმესაც. დოლიძის თქმით, ჯონ კერისთან საუბრისას მედიაპლურალიზმსა და რუსთავი 2-ის საკითხსაც განიხილავენ.