ნიკე კეშელავა სოციალურ ქსელში განცხადებას ავრცელებს

სოც.მედია - 12:06, 06 Jul, 2016

28211

პროექტ „ცეკვავენ ვარსკვლავების“ გამარჯვებულმა წყვილმა სტანისლავ ბონდარენკომ და ნიკე კეშელავამ უამრავი ადამიანისგან მილოცვა და კეთილი სურვი დაიმსახურა. სტანისლავი მოსკოვში გაემგზავრა, თუმცა როგორც ჩვენთვის არის ცნობილი ის ზაფხულის დასრულებამდე კვლავ დაბრუნდება საქართველოში. მისი მეწყვილე, ნიკე კეშელავა კი სოციალურ ქსელში სტატუსს აქვეყნებს და ყველა მათ გულშემატკივარს მადლობას უხდის. „გუშინ შესრულდა ერთი კვირა „ცეკვავენ ვარსკვლავების“ დასრულებიდან. ამ დღეების განმავლობაში ძალიან ბევრს ვფიქრობ განვლილ სამ თვეზე. მინდა ძალიან დიდი მადლობა გადავუხადო ყველა ჩვენ გულშემატკივარს. ჩვენ მართლაც განსაკუთრებული, საოცარი ადამიანები გვიჭერდით მხარს. ერთი წუთი არ ყოფილა ისეთი, როცა თქვენ არ იდექით ჩვენს გვერდით... მუდმივად გვამხნევებდით, ჩვენი გჯეროდათ და ისე გულით გინდოდათ ჩვენი გამარჯვება, რომ სტიმულს გვაძლევდით ზოგჯერ „თავს გადავხტომოდით“, თავდაუზოგავად გვეშრომა, რომ თქვენი მოლოდინი გაგვემართლებინა. მახსენდება ძალიან ბევრი ბედნიერი წუთი, რომელიც ბევრ თქვენთაგანთან გაგვიტარებია. ასევე დიდი სითბო და სიყვარული გვიგვრძნია იმ ადამიანებისაგანაც, რომლებსაც პირადად არ შევხვედრილვართ, მაგრამ თავიანთი პოსტებით, გამოხმაურებებით ასევე ჩვენთვის გამოგზავნილი სმს–ებით გვიჭერდით მხარს. ჩვენი წყვილის გამარჯვება უპირველეს ყოვლისა - თქვენი გამარჯვებაა. კიდევ მრავალჯერ არ მომბეზრდება გადაგიხადოთ მადლობა იმ სითბოსთვის და სიყვარულისთვის რომელსაც ყოველდღე ვგრძნობდი“-წერს ნიკე კეელავა სოციალურ ქსელში.