"მესიჯი ალბათ ასეთი იქნება - თუ არჩევნებს წააგებთ, წახვალთ"- შარაშენიძე კერის ვიზიტზე

პოლიტიკა - 11:22, 06 Jul, 2016

3233

აშშ-ის სახელმწიფო მდივანი, ჯონ კერი საქართველოში დღეს ჩამოვა. ოფიციალური ინფორმაციით, ამერიკელი მაღალჩინოსანი საქართველოს ხელისუფლების წევრებთან შეხვედრებზე ორმხრივი ურთიერთობების საკითხებს განიხილავენ, კერძოდ, საქართველოს ევროატლანტიკური მისწრაფებებისადმი აშშ-ის მხარდაჭერასა და ოქტომბერში დაგეგმილი არჩევნებს.
ექსპერტი თორნიკე შარაშენიძე აცხადებს რომ ამერიკა მხარს უჭერს მხოლოდ ლეგიტიმურ, ხალხის მიერ არჩეულ ხელისუფლებას.

“ზოგიერთებს თუ არ ესმით ამერიკის ელჩის განცხადებების, კერის განცხადებებს უფრო დაუგდებენ ყურს. ობამა ამის სათქმელად არ ჩამოვა, მაგრამ კერის ვიზიტი ძალზედ მნიშვნელოვანია. 2012 წელს სახელმწიფო მდივანი ჰილარი კლინტონი ჩამოვიდა საქართველოში და მისი მესიჯი ასეთი იყო, რომ დემოკრატიული არჩევნები უნდა ჩატარდეს და, თუ მთავრობა წააგებს არჩევნებს, მთავრობა უნდა წავიდეს, რაც სააკაშვილმა გააკეთა კიდეც - წააგო და წავიდა. ალბათ, მსგავსი მესიჯი იქნება ახლაც, თუ წააგებთ - წახვალთ, თუ მოიგებთ კი ბატონო, ოღონდ სამართლიანად უნდა მოიგოთ”- ამბობს საქართველოს საზოგადოებრივ საქმეთა ინსტიტუტის საერთაშორისო ურთიერთობების პროგრამის ხელმძღვანელი თორნიკე შარაშენიძე აშშ-ის სახელმწიფო მდივნის, ჯონ კერის ვიზიტის შეფასებისას.