„რომც გაემართლებინე სად ბრუნდებოდი შვილო?“ - კითხულობს უცხოეთში მცხოვრები სულა სულაშვილი და მაგდა პაპიძის სასამართლო განაჩენთან დაკავშირებით შემდეგ პოსტს აქვეყნებს.

სულა სულაშვილი: „ნუთუ არსებობს ისეთი გარეწარი დედა, რომელიც შვილის მკვლელობაზე თავის გამართლებას გაბედავს? -
ჰმ... უცნაური კითხვა დავსვი... ქალი, შვილის მოკვლას თუ გაბედავს, ის თავის მართლებსაც არ გაექცევა და მაინც მინდა ვკითხო მაგდას: რომც გაემართლებინე სად ბრუნდებოდი შვილო? იქ სადაც შენი ნაშობის ღიმილი და მისი მამის ლოდინით დაღლილი სახე აღარ დაგხვდება?
მის სასოწრკვეთილ ადვოკატებს კი შევახსენებ, რომ ამით ყველაფერი არ დამთავრებულა. თქვენი კომენტარებიდან გამომდინარე, რომელიც ჩემი შეფასებით მთელ რიგ უზუსტობებს შიცავს, მინდა განვმარტო შემდეგი:
ნაფიც მსაჯულთა სასამართლოს მიერ გამოტანილი გამამართლებელი განაჩენი საბოლოოა და არ გასაჩივრდება, ხოლო რაც შეეხება გამატყუნებელ განაჩენს მხარეს შეუძლია ერთჯერადად საკასაციო წესით სააპელაციო სასამართლოში გაასაჩივროს გამამტყუნებელი განაჩენი, თუ:
სხდომის თავმჯდომარემ მტკიცებულებათა დასაშვებობის შესახებ უკანონო გადაწყვეტილება მიიღო;
სხდომის თავმჯდომარემ მხარის მიერ დაყენებული შუამდგომლობის განხილვისას უკანონო გადაწყვეტილება მიიღო, რითაც არსებითად დაირღვა მხარეთა შეჯიბრებითობის პრინციპი;
სხდომის თავმჯდომარემ ნაფიც მსაჯულთა სათათბირო ოთახში გასვლის წინ განმარტებების მიცემისას არსებითი შეცდომა დაუშვა;
სხდომის თავმჯდომარე განაჩენის გამოტანისას მთლიანად ან ნაწილობრივ არ დაეყრდნო ნაფიც მსაჯულთა მიერ გამოტანილ ვერდიქტს;
სხდომის თავმჯდომარე განაჩენის გამოტანისას დაეყრდნო ამ კოდექსის მოთხოვნების დარღვევით გამოტანილ ვერდიქტს;
სასჯელი უკანონოა ან/და აშკარად დაუსაბუთებელია;
სხდომის თავმჯდომარემ არ გაითვალისწინა ნაფიც მსაჯულთა მიერ მიღებული სასჯელის შემსუბუქების ან დამძიმების რეკომენდაცია.
3.266 მუხლის მე-2 ნაწილის „ა“–„ე“ ქვეპუნქტებით გათვალისწინებული საკასაციო საჩივრის დაკმაყოფილების შემთხვევაში საქმე ხელახალი განხილვისათვის გადაეცემა ნაფიც მსაჯულთა სასამართლოს ახალ შემადგენლობას.
4. ამ მუხლის მე-2 ნაწილის „ვ“–„ზ“ ქვეპუნქტებით გათვალისწინებული საფუძვლით ნაფიც მსაჯულთა სასამართლოს განაჩენის სასჯელის ნაწილში გაუქმების შემთხვევაში საქმე სასჯელის ხელახალი დანიშვნისათვის უბრუნდება ნაფიც მსაჯულთა სასამართლოს სხდომის თავმჯდომარეს.

პ.ს. დაიცავით, დაიცავით თუ სინდისი გკარნახობთ. არც მე მსურს დავიჯერო, რომ ის მკვლელია, იმიტომ კი არა, რომ თავად მაგდა მეცოდება, იმიტომ, რომ დედები მეცოდებით.