რა უფრო მნიშვნელოვანი - სააკაშვილი რომ ხელფასს უხდიდა ტერორისტს თუ საიდუმლოება რომ გაითქვა?

რა უფრო მნიშვნელოვანი - სააკაშვილი რომ ხელფასს უხდიდა ტერორისტს თუ საიდუმლოება რომ გაითქვა? - სუბარი

პოლიტიკა - 16:53, 05 Jul, 2016

1364

სამართალდამცავთა რეფორმირების ცენტრის ხელმძღვანელის ზვიად კუპრავას განცხადებაზე კომენტარი გააკეთა სოზარ სუბარმა. მინისტრი ფიქრობს, რომ სესიაშვილის განცხადება რაიმე კანონდარღევას არ შეიცავს.

„რა არის მნიშვნელოვანი ჩვენთვის, რომ ყოფილი პრეზიდენტი, მფარველობდა, ხელფასს უხდიდა საერთაშორისო ძებნილ აგენტს, ტერორისტს, ტერორისტებთან თანამშრომლობაში ეჭვმიტანილ პირს თუ ის, რომ ამის შესახებ გაითქვა საიდუმლოება. მე არ მგონია, რომ სესიაშვილს ეთქვა რამე ისეთი, რისი გათქმაც არ იყო შესაძლებელი და კანონით დაშვებული, მაგრამ მოდით რა სხვანაირად შევხედოთ. რა არის უფრო მნიშვნელოვანი, ის რომ თურმე სააკაშვილი, თუ ეს დადასტურდა, მფარველობდა და ხელფასს უხდიდა ტერორიზმში ბრალდებულ პირს. ეს არ არის გაცილებით მნიშვნელოვანი?“- აცხადებს სოზარ სუბარი.

თავდაცვისა და უშიშროების კომიტეტის თავმჯდომარეს შაბათის კურიერში აჰმედ ჩატაევის შესახებ გაკეთებული განცხადების გამო შესაძლოა პროკურატურაში დაიბარონ. აღნიშნულ საკითხზე სამართალდამცავთა რეფორმირების ცენტრის ხელმძღვანელმა საგამოძიებო უწყებას გამოძიების დაწყების მოთხოვნით მიმართა.

“ამ ფაქტს მისცენ შესაბამისი სამართლებრივი რეაგირება, რადგან შემდგომში ზოგიერთ ჭორიკანა მაღალი თანამდებობის პირებს არ გაუჩნდეთ სურვილი და ეს იყოს პრევენცია იმისათვის, რომ არ გასცენ სხვადასხვა სახელმწიფო საიდუმლოებები,“ - აცხადებს ზვიად კუპრავა.