"ქრესტომათიული მაგალითი როგორ არ უნდა იქცეოდეს ხელისუფლება"

"ქრესტომათიული მაგალითი როგორ არ უნდა იქცეოდეს ხელისუფლება" - გიგი წერეთელი არჩევნების შედეგზე

პოლიტიკა - 14:18, 05 Jul, 2016

1835

ეუთო-ს საპარლამენტო ასამბლეის ყოველწლიური სესიის დასრულების შემდეგ კომენტარი გააკეთა გიგი წერეთელმა, რომელიც ასამბლეის პრეზიდენტის არჩევნებში ავსტრიელ კანდიდატ კრისტინა მუტონენთან დამარცხდა.
"მე არ ვაგებ, ვიგებ ან ვსწავლობ. ახლა მე ვისწავლე ბევრი რამ, მათ შორის საკუთარი სახელისუფლებო პარტიისგან და ვეცდებით, რომ ეს ნასწავლი გამოვიყენოთ ჩვენს მომავალ საქმიანობაში- თქვა წერეთელმა.
მისი თქმით, მთავარია, რომ ასამბლეა წარმატებით დასრულდა.
"მიხარია, რომ ჩემი ქვეყნისთვის ეს იყო კარგი ამბავი, შეიძლებოდა ყოფილიყო უკეთესი ამბავიც, მაგრამ ჩვენმა სახელისუფლებო გუნდმა სხვანაირად იფიქრა. არ დავიწყებ საქმის გარჩევას, ყველაფერი ვიცი. მე დღეს გამოვხატე ჩემი განწყობა, მივულოცე კანდიდატებს. დიდი მხარდაჭერა მქონდა, მეორე ტური გაიმართა. სამწუხაროდ, ბევრი ჩემი მხარდამჭერი გუშინ წავიდა - აშშ-ს, გერმანიის და სხვა დელეგაციებიდან, მათ მოუხდათ რეისების გადაცვლა. ამიტომ მე ვიცოდი, რომ მეორე ტური რთული იქნებოდა. ამას დაემატა გარკვეული სამუშაო, რომელმაც როგორ იმოქმედა, ამის ანალიზს გავაკეთებ, მაგრამ ჩემთვის მთავარია რეზოლუცია, რომელიც ჩვენ მივიღეთ და ასამბლეა, რომელიც ჩავატარეთ",- განაცხადა გიგი წერეთელმა.

წერეთლმა მოკლე კომენტარი გააკეთა "ქართული ოცნების" გადაწყვეტილებაზეც.
"არავის არ გავუსწორებ ანგარიშს, უბრალოდ, გარკვეულ შეფასებებს ეტაპობრივად გავაკეთებთ. ეს საკითხი როგორც ერთ-ერთი ქრესტომათიული მაგალითი შევა ამ ასამბლეის ისტორიაში, შეიძლება სხვაგანაც, როგორ არ უნდა იქცეოდეს ხელისუფლება", - განაცხადა წერეთელმა.

მისივე თქმით, ის თავის გეგმებზე უარს არ ამბობს და არ გამორიცხავს, ასამბლეის პრეზიდენტის პოსტზე მომავალშიც იყაროს კენჭი.