მუსიკალური პროექტი „X ფაქტორი“ დასრულდა, გამარჯვებული კი ხმათა უმრავლესობით ავთო აბესლამიძე გახდა, რასაც სოციალურ ქსელში დიდი განხილვა მოჰყვა. ბევრისთვის ავთოს გამარჯვება მოულოდნელი იყო, რადგან ძირითადად მასა მაინც გიგი ადამაშვილის გამარჯვებას ელოდა. ამასთან დაკავშირებით ბლოგერი გურამ შეროზია სოციალურ ქსელში სტატუსს აქვეყნებს და ყველა უკმაყოფილო ადამიანს მიმართავს:

„ებიჭო! ის კი არ არის პრობლემა, რომ ავთომ გაიმარჯვა და ცირა ბოლოზე გავიდა (ძაანაც კარგი...

პრობლემაა ის, რომ ეს გაავებული ხალხი მიზეზს არ „მაზავს", რომ ერთმანეთი არ დაჭამოს.

გინდოდა ადამაშვილის გამარჯვება? ჰოდა დაგერეკა შეჩემა! ახლა რომ წიკვინებ და იშლი თმას.
გარშემო მხოლოდ გაავებული ყეფა მესმის კომენტარებში:
- ყრუ ხარ?
- კნაოდა თუ ინგლისურის ფრონანსი
- ეს რომ მოგეწონოს დებილი უნდა იყო და ა.შ.

შეიგნეთ, რომ ჩვენ გვაქვს არჩევანის კრიტერიუმების არჩევის თავისუფლება! გვინდა ტემბრი მოგვეწონება, გვინდა მაღლები, გვინდა ქართულები, გვინდა ვიბრაცია და ა.შ.

ისწავლეთ განსხვავებული აზრის პატივისცემა, დასტოვეთ უკულტურობა და შეარგეთ ამ ბიჭს გამარჯვება, ვაჰ!

ან, ვიმეორებ, აგეღოთ ტელეფონები და დაგერეკათ მისთვის, ვისზეც გული შეგტიოდათ. არ დარეკეთ? ჰოდა ჩაიგდეთ ახლა ხმა და კიდევ, პროტესტი, კრიტიკა და უზრდელობა ნუ გერევათ ერთმანეთში!
...ვულოცავ ავთოს.

მეორეხარისხოვანია, მე ვინ მომწონდა. არც იმათ ვერჩი, ვისაც ავთოს ნაცვლად გიგის, ან დრიმ გოგონების გამარჯვება უნდოდა. აი ეს კივილ-წივილი და ერთმანეთის გინება მკლავს უბრალოდ.

სულ ეს იყო, მადლობა ყურადღებისთვის“-წერს გურამ შეროზია ფეისბუკის პირად გვერდზე.