საქართველოს თავდაცვის მინისტრი, თინა ხიდაშელი სულხან მოლაშვილის გარდაცვალებასთან დაკავშირებით სამძიმრის წერილ სოციალურ ქსელში ავრცელებს:

"აქედან ამ საჯარო სივრციდან დავემშვიდობები სულხან მოლაშვილს. ძალიან დამწყვიტა გული ამ ამბავმა. ახალგაზრდა კაცის სიკვდილი მიდამ დასანანია და მით უფრო, როცა ადამიანი სიმართლეს ეძებს და ისე მიდის ამ ქვეყნიდან, რომ სათქმელი ბოლომდე უთქმელი რჩება.

ვფიქრობდი ქაშუეთში მისვლას, დამშვიდობებას მაგრამ ალბათ ასე ჯობია.

იქ ბევრი გულწრფელი ადამიანი ემშვიდობება ამ დღეებში სულხანს. ადამიანები ვინც მასსავით მიშას რეჟიმის მსხვერპლი იყო, ადამიანები ვინც მაშინაც და დღესაც ვერ ეგუება უსამართლობას. თუმცა იმავდროულად ჩვენ ვახერხებთ ხოლმე ყველაფერი ფარსად ვაქციოთ და ფსევდოტრაგიზმით შევიმოსოთ კამერების წინ.

მე სულხანი 2004 წლის 5 ივლისს ვნახე. ზუსტად 12 წლის წინ, დღევანდელ დღეს. იმ საშინელ საკანში, უმძიმეს მდგომარეობაში. ერთერთმა პირველმა და მსოფლიოს ვამცნეთ ეს ამბავი.

მაშინ დღეს კამერებთან მოტირალთა ერთ ნაწილს არ სჯეროდა, მეორე ნაწილს ეშინოდა, მესამეებს არ ედარდებოდათ.

დღეს ამ ფსევდო სპექტაკლს დგამენ

მე კი აქედან ვემშვიდობები სულხან მოლაშვილს" - წერს თინა ხიდაშელი.