"რაც შეეხება გამარჯვებულს... ამას უკვე არ აქვს მნიშვნელობა" - სოფო ნიჟარაძე X ფაქტორის ფინალს ეხმაურება

სოც.მედია - 10:31, 05 Jul, 2016

12130

X ფაქტორი 2016-ის გამარჯვებული ავთო აბესლამიძე გახდა, რამაც საზოგადოებაში არაერთგვაროვანი რეაქცია გამოიწვია.დიდი იყო მოლოდინი, რომ პროექტის გამარჯვებული გიგი ადამაშვილი გახდებოდა, ამაზე სოციალურ ქსელებეში მიმდინარე გამოკითვებიც მიუთითებდა. თუმცა, შემოსეული 244 136 ზარიდან 49,4% ავთომ მიიღო. X ფაქტორის ფინალს სოფო ნიჟარაძე ფეისბუკზე გამოეხმაურა:

"ჩემო მეგობრებო, ჩემო საყვარელო ხალხო, დიდი მადლობა მინდა გითხრათ მხარდაჭერისთვის, ასეთი სითბოსთვის და სიყვარულისთვის, თითოეული ზარისთვის, ასევე სოციალურ ქსელში აქტიურობისთვის და ყველაფრისთვის!
გიგის ცოტა დააკლდა გამარჯვებამდე, მაგრამ მან მთავარი გამარჯვება მოიპოვა, თქვენი დიდი სიყვარული, რაც ყველაზე მნიშვნელოვანია არტისტისთვის, ეს მას ყველაზე მეტად ჭირდებოდა, ეს არის ის, რაც ყველაზე მეტად სანატრელია ყველა ხელოვანისთვის
ჩემს დათუნას ვულოცავ დამსახურებულ სტიპენდიას
კარგი ფინალი იყო, მადლობა რუსთავი ორს და ყველას, ვინც მუშაობს პროექტზე.
რაც შეეხება გამარჯვებულს, რა აზრისაც არ უნდა ვიყო, ამას უკვე არ აქვს მნიშვნელობა, ისღა დამრჩენია მივულოცო და წარმატება ვუსურვო!
წარმატება ❌ ფაქტორის ყველა კონკურსანტს, ქასთინგებიდან დაწყებული, ფინალამდე დამთავრებული, ვუსურვებ მოღვაწეობის გაგრძელებას და მომავალ წარმატებას" - წერს სოფო.