საქართველოს პარლამენტის თავმჯდომარე, დავით უსუფაშვილი აჰმედ ჩატევთან დაკავშირებით ჟურნალისტებთან საუბრობს. თემის კომენტირებისას უსუფაშვილმა აღნიშნა, რომ უმჯობესია ყველა კითხვას პასუხი გაეცეს.

"ასეთ დროს რა ხდება, არ ვიცი და არც მინდა, ვიცოდე, რადგან ამ თემებში ძალიან ჩახედვა სახიფათოა. როგორც ჩანს, სისხლის სამართლის დანაშაული არ დადასტურდა, მაგრამ თუ რამე იქნა დაფარული, ჩემი რჩევა იქნება ყველას მიმართ, ისე წავიდა საქმე, ჯობია ყველაფერი ითქვას და გაეცეს კითხვებზე პასუხები, ვიდრე ვისმენდეთ მხოლოდ კითხვებს, თუნდაც მსოფლიო პრესის მხრიდან. თუ რაიმე აქამდე ქვეყნის ინტერესებიდან გამომდინარე იყო დასაფარი, ახლა ისეთი მიმართულება მიეცა, ჯობია ითქვას სიმართლე, თუნდაც ქვეყანამ იზარალოს",- განაცხადა დავით უსუფაშვილმა.