„თავისუფალ დემოკრატებს“ გვაქვს ყველაზე მაღალი შანსი გადაუწყვეტელი ამომრჩეველი გადმოვხატოთ ჩვენს მხარეს- ირაკლი ალასანია

პოლიტიკა - 14:04, 04 Jul, 2016

1100

"თავისუფალი დემოკრატების" ლიდერის ირაკლი ალასანია აცხადებს, რომ „თავისუფალ დემოკრატებს“ ყველაზე დიდი შანსი აქვთ,იმ მოსახლეობის მხარდაჭერა მოიპოვონ, რომელსაც გადაწყვეტილება ჯერ არ მიუღია.

„GFK-ის კვლევებში ტენდენციები იყო სწორი, რომ მოსახლეობის უმრავლესობას არ სურს გააგრძელოს ცხოვრება ისე, როგორც არის „ქართული ოცნების“ ხელისუფლების პირობებში, რადგან არის სტაგნაცია, ერთ ადგილს ვტკეპნით და არ უნდათ დაბრუნება „ნაციონალური მოძრაობის'' დროინდელ სასტიკი ძალადობის რეჟიმში. ამიტომ, „თავისუფალ დემოკრატებს“ გვაქვს ყველაზე მაღალი შანსი გადაუწყვეტელი ამომრჩეველი გადმოვხატოთ ჩვენს მხარეს, თუმცა ამას სჭირდება დიდი მუშაობა. მე თავიდანვე ვთქვი, რომ მთავარი განმსაზღვრელი არის საზოგადოების მხარდაჭერა არჩევნებზე- აზრი, რომელიც დაფიქსირდება მათი მხრიდან საარჩევნო ყუთთან. 2010 წელს, 4 თვით ადრე არჩევნებამდე, მე პირადად 7% დამიწერეს გამოქვეყნებულ კვლევებში, თუმცა არჩევნებში ავიღე 3-ჯერ მეტი ხმა. კვლევები არ უნდა ტარდებოდეს იმისთვის, რომ მოლოდინი გავაჩინოთ, თუ რა შედეგი დადგება არჩევნებზე. ყველა აკეთებს კვლევას. გამოქვეყნდა ივანიშვილი-ბიგვავას კვლევაც, რომელიც ასევე დიდ კითხვებს აჩენს“ - განაცხადა ალასანიამ.