ჩეჩნეთის პოლიცია - ,,ჩატაევი საქართველოს მოქალაქე იყო და ამჟამადაც თურქეთის ტერიტორიაზეა"

პოლიტიკა - 18:29, 02 Jul, 2016

2031

ჩეჩნეთის სამართალდამცავი ორგანოების ცნობით, ახმად ჩატაევი, რომელიც სტამბოლის აეროპორტის ტერაქტების ორგანიზებაშა ეჭვმიტანილი წარმოშობით ჩეჩნეთის ვედენსკის რაიონის მცხოვრებია. იგი საქართველოში ცხოვრობდა, 2015 წელს საქართველოს მოქალაქეობა მიიღო და სირიაში გაემგზავრა. ამის შესახებ "ვესტი.რუ"-ს ვედენსკის რაიონის პოლიციის უფროსმა აბუფეტ მუხადინოვმა განუცხადა.
მისი თქმით, ჩატაევი დოკუ უმაროვის ხელმძღვანელობით მოქმედი ორგანიზაცია "იმარატ კავკაზის" წევრი იყო. მისი სიკვდილს შემდეგ ჩატაევი "ისლამურ სახელმწიფოს" მიემხრო.
"ჩვენ ვფლობთ ინფორმაციას, რომ იგი არაერთხელ იქნა დაკავებული ევროპის სხვადასხვა ქვეყნის ტერიტორიაზე, მათ შორის, უკრაინაშიც, საიდანაც იგი საქართველოს გადასცეს, სადაც მან საქართველოს მოქალაქეობა მიიღო და 2015 წელს სირიაში გაემგზავრა," - აცხადებს მუხადინოვი.
რაც შეეხება თურქეთის ტერიტორიაზე მის მოქმედებებს, იგი ახალგაზრდების ISIS-ში გაწევრიანებას უწევდა ორგანიზებას, რის შესახებაც თურქეთის მხარეს ინტერპოლმა აცნობა.
"ჩვენი ინფორმაციით ჩატაევი ამჟამადაც თურქეთის ტერიტორიაზე იმყოფება," - აცხადებს ჩეჩნი პოლიციელი.