თბილისში ეუთოს საპარლამენტო ასამბლეის სესიაზე პოლიტიკის კომიტეტის სხდომა დასრულდა.

ეუთოს საპარლამენტო ასამბლეის გენერალური მდივანმა, რობერტო მონტელამ, საქართველოში ჩატარებულ ასამბლეის მნიშვნელოვანი უწოდა.

გიგი წერეთელის განცხადებით, დეპუტატებმა რეზოლუციის პროექტზე იმსჯელეს, რომელშიც წევრ სახელმწიფოების ტერიტორიაზე არსებული კონფლიქტების შესახებ ორგანიზაციის პოზიცია უნდა აისახოს.

„ადამიანის უფლებათა კომიტეტში იყო საუბარი ოკუპირებულ ტერიტორიებსა და იძულებით გადაადგილებულ პირების უფლებებზე. მართალია, დღეს მთავარი საკითხი მიგრაციის პრობლემებია ევროპაში, მაგრამ ჩვენ და უკრაინელებმა შევახსენეთ, რომ რუსეთს აქვს ოკუპირებული ტერიტორიები, სადაც ადამიანებს წართმეული აქვთ ცხოვრების უფლება,“ - განაცხადა გიგი წერეთელმა.

საქართველოსა და უკრაინის განცხადებებს უპასუხა რუსული დელეგაციის ხელმძრვანელმა.

ნიკოლაი კოვალიოვის თქმით, "რუსეთს არ შეუძლია, ოკუპაცია უწოდოს იმას, რაც ხდება".

„ყველაფერი, რაც რუსეთმა გააკეთა, ნაკარნახევი იყო ერთადერთი სურვილით, გადაერჩინა ადამინების სიცოცხლე. გავიხსენოთ, თუნდაც, მიხეილ სააკაშვილის პრეზიდენტობის დრო, როდესაც გამყოფ ზოლთან 17 მშვიდობისმყოფელი მოკლეს. რუსეთმა, რა თქმა უნდა, დაიცვა თავისი მოქალაქეები,“ - განაცხადა ნიკოლაი კოვალიოვმა.