ყრილობა დიდგორის ველზე - რა პასუხი აქვთ ,,ნაციონალურ მოძრაობაში“ სააკაშვილის შეთავაზებაზე

პოლიტიკა - 13:55, 02 Jul, 2016

6287

რამდენიმე დღის წინ მიხელ სააკაშვილის მხირდან გაჟღერდა ინიციატივა, რომ ნაციონალური მოძრაობის ყრილობა დიდგორის ველზე ჩატარდეს. ,,ჩემი წინადადებაა, რომ ჩვენი ყრილობა დიდგორის ველზე გავმართოთ და არა ტრადიციულ დარბაზში. იქ ძალიან კარგი აურა არის იმიტომ, რომ ეს არის საქართველოს დიდგორი“ - განაცხადა საქართველოს მესამე პრეზიდენტმა პარტიის წევრებთან შეხვედრისას.

რას აცხადებენ ,,ნაციონალურ მოძრაობაში“ სააკაშვილის ინიციატივაზე და ეთანხმება თუ არა პარტია დიდგორზე ყრილობის გამართვას, ,,ნიუპოსტი“ კომენტარისთვის პარტიის სიის მეორე ნომერს ელენე ხოშტარიას დაუკავშირდა.

,,ყველას შეიძლება რაღაც მოსაზრება ჰქონდეს, მაგრამ პარტიაში ჩვენ გვაქვს ძალიან გამჭვირვალე დემოკრატიული გადაწყვეტილების მიღების მექანიზმი, რომელიც არის პოლიტსაბჭო. მე პირადად შემიძლია გითხრათ, რომ არ ვიზიარებ ამ მოსაზრებას, იმას, რომ დიდგორის ველზე უნდა გაიმართოს ყრილობა. მიმაჩნია, რომ ჩვენ გვაქვს კონკრეტული ამოცანა - მოსახლეობას გავაცნოთ სამოქმედო გეგმა, რომ გამოვიყვანოთ ქვეყანა კრიზისიდან და არ მიმაჩნია, რომ ჩვენ ამ ტიპის ყრილობების დრო გვაქვს. რაც მთავარია, თავად პარტიაში, პოლიტსაბჭოს არ განუხილია ეს საკითხი და არ ყოფილა ამაზე მსჯელობა და მითუმეტეს გადაწყვეტილება არ ყოფილა მიღებული.

რას შეეხება პარტიის ყრილობის გამართვის თარიღს, ხოშტარია ამბობს, რომ არ არის ჯერ გადაწყვეტილი. ,,როგორც აღვნიშნე, ჩვენ ვართ კონცენტრირებული სამოქმედო გეგმის შემუშავებაზე და ხალხისთვის წადგენაზე. ინტენსიურად ვმუშაობთ საზოგადოებასთან, რომ ავუხსნათ ჩვენი გეგმა. ყროლობაზე არ გვიმსჯელია, როცა მივიღებთ გადაწყვეტილებას, აუცილებლად გაიგებს ამის შესახებ საზოგადოებაც“ - აღნიშნა ელენე ხოშტარიამ.