საპარლამენტო უმრავლესობის წარმომადგენელი ომარ ნიშნიანიძე აცხადებს, რომ 2016 წლის საპარლამენტო არჩევენბზე „ნაციონალურმა მოძრობა“ მაქსიმალურად შეეცდება რომ პროვოკაციები მოაწყოს და ვითარება გაამწვავოს, თუმცა ნიშნიანიძე დარწმუნებულია, რომ ხელისუფლება მაინც შეძლებს არჩევნების ღირსეულად ჩატარების უზრუნველყოფას.

„არჩევნებზე ბუნებრივია იქნება დაძაბულობა. „ნაციონალური მოძრაობა“ ყველაფრის მკადრებელი ძალაა, ადამიანების არიან ასეთები. „ ნაციონალური მოძრაობაც“ ადამიანების გუნდია. ყველაფერს იკადრებენ იმისთვის, რომ არჩევნების ლეგიტიმაციის საკითხი ეჭვის ქვეშ დადგეს. ისინი წამოვლენ პროვოკაციებზე, შესჩივლებენ მათ პატრონებს დასავლეთში და კუდსაც გააქიცინებენ - „ჩვენ ვართ კარგები პირველები და მხოლოდ ჩვენ შეგვიძლია საქართველოს აშენებაო. როგორ შეიძლება საქართველო უჩვენოდ აშენდესო“ ჩვენ რას ვაკეთებთ? ხელისუფლება იმიტომ არის ხელისუფლება და იმიტომ ჰყავს ძალოვანი სტრუქტურები, რომ წინა ხელისუფლების მსგავსაც ადამიანები სატანჯველად და საწამებლად კი არ გამოიყენოს არამედ წესრიგი დაამყაროს ამ ქვეყანაში. დარწმუნებული ვარ, რომ ჩვენ დავიცავთ ამ წესრიგს და არჩევნებიც სტაბილურ ვითარებაში ჩატარდება იქნება აპელირება, მაგრამ არ მგონია, რომ ეს ვითარება ჩვეულებრივ საზღვრებს გასცდეს. უნდა დავუმტკიცოთ მსოფლიოს, რომ ცივილიზებული ერი ვართ. გამოცდა ჩვენ რამდენჯერმე ჩავაბარეთ და კიდევ ერთი გამოცდა უნდა ჩავაბაროთ“,-განაცხადა ნიშნიანიძემ

შეკითხვაზე თუ რომელი პოლიტიკური პარტიები იქნებიან, რომლებიც საპარლამენტო არჩევნებზე ბარიერს გადალახავენ ნიშნიანიძემ განაცხადა, რომ არასაპარლამენტო პარტიებს შორის, შანსები აქვს როგორც ნინო ბურჯანაძის პარტიას, ასევე პატრიოტთა ალიანს. ასვეე კოალიციის სხვა წევრებს, მათ შორის „თავისუფალ დემოკრატებს“, და“რესპუბლიეკლებს“. ნიშნიანიძის განცხადებით, შანსები საპარლამენტო არჩევნებზე „ნაციონალური მოძრაობას“ და პაატა ბურჭულაძის პარტიასაც აქვს.

შეკითხვაზე თუ რა იქნება უმრავლესობის ძირითადი მოწოდებები წინასაარჩევნოდ, ნიშნიანიძე აცხადებს, რომ აქცენტი მეტ წილად სოციალურ თემატიკაზე,გაჭირვებაზე და უმუშევრობაზე გაკეთდება, თუმცა მისივე განცხადებთ, უმრავლესობა მაქსიმალურად პრაგმატულად მოიქცევა და „ნაციონალური მოძრაობის“ მსგავსად არ შექმნის ფუჭ მოლოდინს