ლიტვის საგარეო საქმეთა მინისტრი, ლინას ლინკევიჩუსი საქართველოსა და მოლდოვას ევროკავშირთან ასოცირების შეთანხმების ძალაში შესვლას ულოცავს. ლინას ლინკევიჩუსმა სპეციალური ვიდეომიმართვა გაავრცელა, რომელშიც მილოცის ტექსტი ქართულ ენაზეც წარმოსთქვა.

ლინკევიჩუსის თქმით, ამიერიდან ასოცირების შეთანხმება ხდება მთავარი ლეგალური ინსტრუმენტი ევროკავშირსა და საქართველოს შორის ურთიერთობებისთვის. მინისტრი მიიჩნევს, რომ ხელშეკრულება ხელს შეუწყობს როგორც მოლდოვისა და საქართველოს, ისე ევროპის ქვეყნების ეკონომიკურ განვითარებას.

“ ევროპა რჩება მთავარ მოთამაშედ მსოფლიოში როგორც ეკონომიკის, ისე პოლიტიკის სფეროში. საქართველო არის ევროპა. მოლდოვა არის ევროპა. უკრაინა არის ევროპა” - ამბობს ლინას ლინკევიჩუსი.