"საკითხი არ დგას ისე, ექნება თუ არა საქართველოს ვიზალიბერალიზაცია, არამედ ერთადერთი შეკითხვაა, როდის?"

პოლიტიკა - 10:36, 01 Jul, 2016

1495

გერმანიის ფედერაციული რესპუბლიკის საგარეო საქმეთა მინისტრმა ფრანკ-ვალტერ შტაინმაიერმა ქართველ კოლეგა, მიხეილ ჯანელიძესთან შეხვედრის შემდეგ გამართულ ერთობლივ პრესკონფერენციაზე საქართველოსთვის ვიზალიბერალიზაციის მინიჭების საკითხზე ისაუბრა.
მისი თქმით, "საკითხი არ დგას ისე, ექნება თუ არა საქართველოს ვიზალიბერალიზაცია, არამედ ერთადერთი შეკითხვაა, როდის?"
მინისტრის თქმით, უვიზოდ მიმოსვლასთან დაკავშირებით, პროცესები უახლოესი კვირების დასრულდება.

” ვიცი, რომ საქართველოში უდიდესი მოლოდინია ვიზალიბერალიზაციის მიმართ. მინდა ცალსახად გითხრათ, რომ ამ ძალიან დიდ და ხანგრძლივ პროცესში საქართველომ უდიდესი ნაბიჯები გადადგა წინ. ვთქვი და კიდევ ერთხელ ვიმეორებ თბილისში, საკითხი არ დგას ისე, იქნება თუ არა ვიზალიბერალიზაცია, არამედ ერთადერთი საკითხია - როდის?”, - განაცხადა გერმანიის საგარეო უწყების ხელმძღვანელმა.
გერმანიის ფედერაციული რესპუბლიკის საგარეო საქმეთა მინისტრის ვარაუდით, საქართველოსთან ვიზალიბერალიზაცია სექტემბრის მეორე ნახევრიდან ამოქმედდება.

"ვფიქრობ, თვის ბოლოს, ივლისის ბოლოს პროცესი დასრულდება, მაგრამ ალბათ სექტემბრის განმავლობაში, უფრო მეორე ნახევარში მივალთ საბოლოო, ლოგიკურ შედეგამდე”, - განაცხადა შტაინმაიერმა"- აღნიშნა მან.

შტაინმაიერმა აღნიშნა, რომ საქართველოს მთავრობის წევრების სტუმრობა გერმანიაში მიუთითებს იმაზე, თუ რამდენად მჭიდროა ურთიერობა საქართველოსა და გერმანიას შორის.

შტაინმაიერის განცახდებით, საქართველომ ბოლო წლების განმავლობაში აქტიური რეფორმები განახორციელა.

„ფაქტი, რომ აქ ვარ, კიდევ ერთხელ მაძლევს შესაძლებლობას, ჩემი უდიდესი პატივისცემა გამოვხატო იმ აქტიურობისთვის, იმ რეფორმებისთვის, რომელიც შენმა ქვეყანამ, შენმა მთავრობამ განახორციელა უკანასკნელი წლების განმავლობაში,“ - განაცხადა შტაინმაიერმა.