ატმის რეალიზაციის პრობლემა კახეთში - ბურჭულაძის პარტია ხელისუფლებას დანაპირების შესრულებას სთხოვს

პოლიტიკა - 16:53, 30 Jun, 2016

1850

„მოძრაობა სახელმწიფო ხალხისთვის“ ხელისუფლებას კახელი გლეხების დახმარებას და დაპირებების შესრულებას სთხოვს. პარტიის წევრებმა ადგილობრივ ფერმერებთან ერთად ჩუმლაყი-ყიტაანის გზაზე არსებულ ატმის ბაზართან პრესკონფერენცია გამართეს და მთავრობას ატმის რეალიზაციის პრობლემის მოგვარება მოსთხოვეს. „სახელმწიფო ხალხისთვის წევრები“ საკითხის მოსაგვარებლად მთავრობას გადამამუშავებელი საწარმოების, ე.წ. სამაცივრე მეურნეობების აშენებას და გლეხებისთვის პროდუქციის ექსპორტზე გატანისას დახმარებას თხოვენ.

“საუკეთესო ხარისხის ატამს ფასი არ აქვს ფაქტობრივად. გლეხებს რაც ატმის მოყვანა უჯდებათ იმაზე ნაკლებ ფასში უწევთ გაყიდვა. ეს არის ადგილი რომელიც არის ყველაზე კარგი მაგალითი თუ როგორ ვერ ასრულებს ქართული ოცნება დანაპირებს. მათ უნდა შეექმნათ გადამამუშავებელი ქარხნები და სამაცივრე მეურნეობები.“ - განაცხადა მერაბ მეტრეველმა

„დღეს კახეთში არსებული სიტუაცია ნათელი მაგალითია იმისი, რომ ახლაც და გასული 4 წლის მანძილზეც ხელისუფლების მარგი კოეფიციენტი იყო ნული და ნულს ქვევით. შედეგად კი მივიღეთ ის, რომ კახელი გლეხი მოსავალს ტოვებს ბაღში, რადგანაც ატმის მოკრეფა უფრო ძვირი ჯდება ვიდრე მოსავლის სარეალიზაციო ფასია.“ - განაცხადა მოძრაობა სახელმწიფო ხალხისთვის კახეთის რეგიონალური ოფისის ხელმძღვანელმა გიორგი მეგრელიშვილმა.