ირაკლი ჩიქოვანი - „ნაციონალური მოძრაობის“ ინტერესია, რომ არჩევნები მაქსიმალურად პოლარიზებული იყოს

პოლიტიკა - 14:45, 30 Jun, 2016

1694

საკანონმდებლო ორგანოს წარმომადგენელი, „თავისუფალი დემოკრატების“ წევრი ირაკლი ჩიქოვანი აცხადებს, რომ არევნები შესაძლოა საკმაოდ დაძაბულ ვითარებაში წარიმართოს, რადგანაც „ნაციონალური მოძრაობა“ მაქსიმალურად ცდილობს, რომ გარემო პოლარიზებული გახადოს და ამით მისი პოზიციები გაიმყაროს.

„ნაციონალური მოძრაობის“ ინტერესია, რომ მაქსიმლაურად პოლარიზებული იყოს საარჩევნო გარემო ამ საარჩევნო გარემოში და შემდეგ შეეცადონ მათი პოზიციების გამყარებას. ამ ყველაფრის გათვალისწინებით ვფიქრობ, რომ არჩევნები დაძაბულ პროცესში წარიმართება, მაგრამ ყველაზე მთავარია, რომ ყველამ გამოიჩინოს ადეკვატური პასუხისმგებლობა და ამ გრძნობით მიუდგეს არჩევნებს. უმთავრესი პასუხისმგებლობა ეკისრება ხელსიულებას, მაგრამ ჩვენც პოლიტიკურ პარტიებს, ვისაც გვაქვს ამბიცია, რომ ვიყოთ ხელისუფლებაში გვმართებს სახელმწიფოებრივი მიდგომა. ყოველთვის ვიქნებით ოპონირების რეჟიმში, მაგრამ ეს უნდა იყოს იდეების და ნდობის ჭიდილი ვიდრე ერთმანეთთან დაპირპისრება სხვა რაიმე ფორმით თუნდაც იმ ფორმით რომელიც მოხდა კორცხელში ზუგდიდის რაიონში“,-განაცხადა ჩიქოვანმა.