მერიის სატრანსპორტო კომპანიაში არსებული კორუფცია - გუგული მაღრაძის სიძე სკანდალში გაეხვა

პოლიტიკა - 12:08, 30 Jun, 2016

2964

თბილისის საკრებულოს ფრაქცია „ნაციონალური მოძრაობის“ ერთ-ერთი ლიდერი ირაკლი აბესაძე სკანდალურრ ინფორმაციას ასაჯაროვებს.
აბესაძის ინფორმაციით, გუგული მაღრაძის სიძე, თბილისის მერიის სატრანსპორტო კომპანიის ფინანსური დირექტორი ირაკლი ღურჭუმელია გათავისუფლებულია კორუფციული გარიგებების გამო რომელიც აღნიშნულ სამსახურში ხორციელდებოდა და რომელიც შიდა აუდიტის ჩატარების შედეგად გამოვლინდა.
ენმ-ს მიერ გავრცელებული ინფორმაციის თანახმად, აუდიტის დასკვნაში აღნიშნულია, რომ 2015 წელს 2014 წელთან შედარებით ავტობუსებმა დღის განმავლობაში დაახლოებით 12 000-ზე რეისით ნაკლები შეასრულეს, ვინაიდან 108 ავტობუსი ტექნიკურად გაუმართავია.

მისივე თქმით, დასკვნაში აღნიშნულია, რომ იკვეთება სისხლის სამართლის დანაშაულის ნიშნები და საკითხი უნდა იქნას შესწავლილი პროკურატურის მიერ.
„კომპანიის დირექტორატი გაუარესებული მომსახურების პირობებში ახერხებს დახარჯოს 60 000 ლარი სარესტორნო მომსახურებაში. ასევე ახერხებს სამივლინებო ხარჯებისთვის მილიონობით ლარის დახარჯვას ისე, რომ არც ერთი თეთრი დასაბუთებული არ არის. აუდიტის დასკვნაში აღნიშნულია, რომ მძიმე კორუფციული შემთხვევებია ტენდერებში, კერძოდ, აუდიტორებენ წერენ, რომ ზეთისა და დიზელის ხარჯვაზე არასათანადო ხარჯებია გაწეული და ასეულობით ათასი ლარი იფლანგება. დასკვნაში აღნიშნულია, რომ იკვეთება ტენდერების კონკრეტულ კომპანიებზე მორგების მცდელობა. აუდიტორების დასკვნით, დღესაც ნებართვის გარეშე ხორციელდება ვაკე-კუს ტბის საბაგირო გზის მშენებლობა, ვინაიდან აღნიშული კომპანიის დირექტორი, რომელიც მშენებლობას ახორციელებს და თბილისის სატრანსპორტო კომპანიის საკადრო დეპარტამენტის ხელმძღვანელი და-ძმა არიან, ანუ იკვეთება ნეპოტიზმი“, - განაცხადა ირაკლი აბესაძემ.

თავად ღურჭუნელია აცხადებს, რომ ის პირადი განცხადების საფუძველზე გათავისუფლდა. გუგული მაღრაძის სიძე ანბობს, რომ შიდა აუდიტის მიერ მომზადებული დასკვნა ამასთან კავშირში არ არის.

„მე 3 მაისის მერე პრაქტიკულად მანდ აღარ ვმუშაობ, სხვა სამსახურში ვარ. გუშინ მერიას გაუკეთებია განცხადება მთავრობის სხდომაზე, არც ვიცოდი, პირველად გავიგე. ერთი თვის წინ დავწერე განცხადება. თანამდებობა არ არის ეგ, გაცილებით უკეთესი თანამდებობები არსებობს,“ - განაცხადა ირაკლი ღურჭუმელიამ "კურიერთან" საუბრისას,