მოსამართლეთა რაოდენობა უნდ იყოს ადეკვატური, სამართალწარმოების პრობლემების დასაძლევად

მოსამართლეთა რაოდენობა უნდ იყოს ადეკვატური, სამართალწარმოების პრობლემების დასაძლევად - გვენეტაძე

პოლიტიკა - 17:02, 29 Jun, 2016

1028

ბიზნესსექტორთან აღმასრულებელი ხელისუფლების ინიციატივით გამართული შეხვედრის დეტალებზე ისაუბრა უზენაესი სასამართლოს თავმჯდომარემ. ნინო გვენეტაძის თქმით, ყურადღება გამახვილდა სასამართლოში არსებულ პრობლემებზე.

„ძალიან საინტერესო შეხვედრა იყო ბიზნესსექტორთან აღმასრულებელი ხელისუფლების ინიციატივით. საუბარი იყო ორმხრივ პრობლემებზე, რომელიც აქვს ბიზნესს სამართალწარმოებისა და მართლმსაჯულების განხორციელების პროცესში. ჩვენი მხრიდან საკითხი დავაყენეთ ხარისხიანი, დროული და ეფექტური მართლმსაჯულების განხორციელებისთვის სასამართლოში არსებულ პრობლემებთან მიმართებაში, რაც სასამართლოებში ჭარბი რაოდენობით შემოსულ საქმეებში, მოსამართლეთა სიმცირესა და ინფრასტრუქტურული პროექტების ნაკლებობაში გამოიხატება“ - განაცხადა უზენაესი სასამართლოს თავმჯდომარემ ნინო გვენეტაძემ.

მისი თქმით, შეხვედრა შედეგიანი იყო იმ მიმართულებითაც, რომ განისაზღვრა ბიზნესსექტორთან რეგულარული შეხვედრები დავის სახეების მიხედვით. „ძირითადად იყო სამოქალაქო და ადმინისტრაციული სამართალწარმოების პრობლემები დაყენებული. შევთანხმდით, რომ როგორც მოსამართლეთა სპეციალიზაციის, ასევე პროცესის მონაწილე მხარეთა ცოდნის გაუმჯობესების კუთხით იქნება მომდევნო, საინტერესო შეხვედრები ზოგად პრობლებურ საკითხებთან მიმართებაში. ჩვენი სურვილია სასამართლოებში მოსამართლეთა რაოდენობა იყოს ადეკვატური რაც სამართალწარმოების პრობლემების დაძლევას შეუწყობს ხელს“ - აღნიშნა ნინო გვენეტაძემ.