საპარლამენტო უმრავლესობის წარმომადგენელი ნუკრი ქანთარიას საქართველოს პრეზიდენტის გიორგი მარგველაშვილის მიერ უზენაესი სასამართლოს კანდიდატების ხელმეორედ წარდგენის საკითხს ეხმაურება და აცხადებს, რომ ასეთ შემთხვევებში უმჯობესი იქნებოდა, რომ წინა პირობად გარკვეული კონსულტაციები გამართულიყო.

„კარგი მაგალითი იყო, როდესაც მოხდა პრეზიდენტის და პრემიერის შეთანხმება იგივე საარჩევნო კამპანიის დაწყებასთან დაკავშირებით. კარგი იქნება თუ ასეც გაგრძელდება. ასე, ერთ პიროვნულად, მე ესენი მინდა და კეთილი ინებეთ და აირჩიეთ, ალბათ ამას სჯობია, რომ წინ გარკვეული კონსულტაციები უძღოდეს წინ. კი პრეზიდენტის პრეროგატივაა დაასახელოს, მაგრამ ჩვენი პრეროგატივაა, რომ ავირჩიოთ. დამოუკდიებლად ეს ვერ მოხდება არც ჩვენ გვაქვს უფლება რომ დავასახელოთ კანდიდატურები და არც პრეზიდენტს, რომ მის მიერ დასახელებულის არჩევა მხოლოდ მისი ნებით მოხდეს. სწორედ ამიტომ საჭიროა, რომ ასეთ დროს კონსულტაციები გაიმართოს. არ გამოვრიცხავ, რომ სექტემბერში ერთი დღით მოხდეს, მობილიზება, მაგრამ ხანგრძლივ პერიოდში, ის რომ სასესიო კვირა იყოს, ამას არავითარი რეალური საფუძველი არ გააჩნია“,-განაცხადა ქანთარიამ.