გარე და შიდა მხარეს არ მივეცით საშუალება ხურდაში მივეყოლებინეთ

გარე და შიდა მხარეს არ მივეცით საშუალება ხურდაში მივეყოლებინეთ - ნუკრი ქანთარია

პოლიტიკა - 16:16, 29 Jun, 2016

926

საპარლამენტო უმრავლესობის წარმომადგენელი ნუკრი ქანთარია გუშინ, სტამბოლში მომხდარ ტექრატს ეხმაურება და აცხადებს, რომ დღევანდელი მთავრობის, ყველაზე დიდი დამსახურება სწორედ მშვიდობის შენარჩუნებაა. მისი განცხადებით, ბოლო 4 წლის მანძილზე, ხელისუფლებამ იოტის საბაბის არ მისცა იმისთვის, რომ მშვიდობა დარღვეულიყო.

„მინდა, რომ ჩვენმა ხალხმა რეალურად აღიქვას ვითარება - მიუხედავად იმისა, რომ ჩვენს გარშემო ასეთი სახიფათო ზოლია, სადაც დრო და დრო ასეთი ცეცხლი ავარდება ხოლმე, ჩვენ მოვახერხეთ და ამ ოთხი წლის მანძილზე დავამყარეთ მშვიდობა. მინდა, რომ ამას ყველამ თვალი გავუსწოროთ. ეს არ მოხდა იმიტომ, რომ ჩვენ უფრო ძლიერი უსაფრთხოების სამსახური გვყავს, ვიდრე დაუშვათ თურქეთს ან სხვა სახელმწიფოს, ეს მოხდა იმ პოლიტიკის გამო, რომ იოტისოდენა საბაბი არ მიგვიცია არავისთვის რომ თუნდაც ხურდაში მივეყოლებინეთ. არც გარეთა და არც შიდა მხარეს. ეს მშვიდობაა საფუძველი იმისა, რომ ჩვენმა ხალხმა 8 ოქტომბერს, ამ მშვიდობას მისცეს ხმა. ამის შედეგად იწუყება ნებისმიერი სიკეთე ეს იქნება ჯანდაცვაში, ეკონომიკაში, თუ სხვა სფეროში“,-განაცხადა ქანთარიამ ,,კვირას“ პრესკლუბში.