უსაფრთხოების რა ზომებია მიღებული საქართველოში- შსს განცხადებას ავრცელებს

პოლიტიკა - 12:19, 29 Jun, 2016

1552

საქართველოს შინაგან საქმეთა სამინისტრო განცხადებას ავრცელებს. უწყების ინფორმაციით შსს სტრატეგიული მნიშვნელობის ყველა ობიექტზე უსაფრთხოების ზომებს სისტემატურად ატარებს და პრევენციული ღონისძიებები მუდმივად ხორციელდება.

„საქართველოს შინაგან საქმეთა სამინისტრო ქვეყნის საზღვრებზე და აეროპორტებში, ასევე, სტრატეგიული მნიშვნელობის ყველა ობიექტზე უსაფრთხოების ზომებს სისტემატურად ატარებს. არსებული რისკ-ფაქტორების გათვალისწინებით, პრევენციული ღონისძიებები მუდმივად ხორციელდება.

შსს-ს საპატრულო პოლიცია, საზოგადოებრივი უსაფრთხოების უზრუნველყოფის მიზნით, აკონტროლებს სასაზღვრო გამშვებ პუნქტებს ქვეყნის საზღვრებზე და აეროპორტებში. საკონტროლო-გამტარი პუნქტების მუშაობა აეროპორტებში, სახმელეთო და საზღვაო საზღვრებზე არსებული ტექნოლოგიური და ადამიანური რესურსების სრული და ეფექტური გამოყენებით მიმდინარეობს.

საქართველოს სახელმწიფო სახმელეთო საზღვრის დაცვისა და სასაზღვრო კონტროლის განხორციელების მიზნით, სასაზღვრო პოლიციის პირადი შემადგენლობა სრულ მზადყოფნაშია. შსს-ს სასაზღვრო პოლიცია მაქსიმალურად აკონტროლებს სახელმწიფო საზღვრის ე.წ. მწვანე ზოლს.“- აღნიშნულია შსს-ს განცხადებაში.

შეგახსენებთ წუხელ, 28 ივნისს, 22 საათსა და 15 წუთზე, სტამბოლში, ათათურქის აეროპორტში თავი სამმა თვითმკვლელმა ტერორისტმა აიფეთქა. ამჟმინდელი მონაცემებით, დაღუპულია 36 , ხოლო დაშვებულია 150-მდე ადამიანი,