"თავისუფალი დემოკრატების" ლიდერმა ირაკლი ალასანიამ „რუსთავი2“-ის მიერ გამოქვეყნებული კვლევების შეფასებისას განაცხადა, რომ "თეთრი და შავი" 8 ოქტომბერს გაირკვევა.

ალასანია ამბობს, რომ მისი პარტიის რეიტინგი მზარდია.

‘’კვლევბი ძალიან მრავალფეროვანი, ბევრნაირი იდება და დაიდება არჩევნებამდე. ‘’თავისუფალ დემოკრატებს’’ ჩვენი კვლევებიც გვაქვს, მთავარი კვლევა - ეს არის საზოგადოებასთან ურთიერთობა. ყველა კვლევებით ჩვენი რეიტინგი მზარდია. დარწმუნებული ვარ რომ საზოგადოების დიდი უმრავლესობის მხარდაჭერას მოვიპოვებთ. მთავარი ვერდიქტი ბუნებრივია იქნება არჩევნების დღეს. 8 ოქტომბერს გაირკვევა თეთრი და შავი’’- განაცხადა ალასანიამ.

რუსთავი 2-ის დაკვეთით გერმანულ-ამერიკულმა ორგანიზაციამ GFK-მ კვლევა ჩაატარა, რომელიც პოლიტიკური პარტიების რეიტინგებსა და სხვა მნიშვნელოვანი საკითხების მიმართ ამომრჩევლის დამოკიდებულებას განსაზღვრავს.

კითხვაზე - თუ ჩავთვლით, რომ 8 ოქტომბრის საპარლამენტო არჩევნებში მონაწილეობთ, რომელ პარტიას მისცემდით ხმას გამოკითხულთა 22.4%-მა დაასახელა ქართული ოცნება, ერთიანი ნაციონალური მოძრაობა კი 21.7%-მა.

გამოკითხულთა 7.8% სახელმწიფო ხალხისთვის -პაატა ბურჭულაძეს ასახელებს.

6.2% ფიქრობს, რომ 8 ოქტომბრის საპარლამენტო არჩევნებში მონაწილეობის შემთხვევაში, ხმას თავისუფალ დემოკრატების მისცემდა.