,,კვლევა არ ჭირდება რეალობის დანახვას... ჩვენ შევცვლით ოცნებას“

,,კვლევა არ ჭირდება რეალობის დანახვას... ჩვენ შევცვლით ოცნებას“ - ნადირაშვილი GFK-ის კვლევაზე

პოლიტიკა - 12:41, 28 Jun, 2016

3732

"ნაციონალური მოძრაობა" დარწმუნებულია, რომ 8 ოქტომბერს მმართველ პოლიტიკურ ძალას ძალაუფლებას დაათმობინებს და პარლამენტში უმრავლესობით შევა.

ირმა ნადირაშვილს ამ პროგნოზის გაკეთების საშუალებას რუსთავი 2 - ის მიერ დღეს გამოქვეყნებული სოციოლოგიური გამოკითხვის შედეგები აძლევს.

გერმანულ-ამერიკული ორგანიზაცია GFK-ის მიერ ჩატარებული კვლევის მიხედვით "ქართულ ოცნებასა" და "ნაციონალურ მოძრაობას შორის" სხვაობა 0.7 % - ია.

"არანაირი კვლევა არ სჭირდება იმ რეალობის დანახვას, რა მდგომარეობაშიც მიიყვანა ქვეყანა "ქართული ოცნების" ხელისუფლების უუნარობამ. უუნარო მმართველობის შედეგად სამწუხაროდ, ჩვენი ქვეყანა მიდის უკან და ამ ფონზე მთავარი ოპოზიციური ძალა ყოველდღიურად იკრებს ძალას და ჩვენ დარწმუნებულები ვართ, რომ 8 ოქტომბერს ამ ხელისუფლებას შევცვლით"- განუცხადა "ნიუპოსტს" ნადირაშვილმა.

რუსთავი 2-ის დაკვეთით გერმანულ-ამერიკულმა ორგანიზაციამ GFK-მ კვლევა ჩაატარა, რომელიც პოლიტიკური პარტიების რეიტინგებსა და სხვა მნიშვნელოვანი საკითხების მიმართ ამომრჩევლის დამოკიდებულებას განსაზღვრავს.

კითხვაზე - თუ ჩავთვლით, რომ 8 ოქტომბრის საპარლამენტო არჩევნებში მონაწილეობთ, რომელ პარტიას მისცემდით ხმას გამოკითხულთა 22.4%-მა დაასახელა ქართული ოცნება, ერთიანი ნაციონალური მოძრაობა კი 21.7%-მა.

გამოკითხულთა 7.8% სახელმწიფო ხალხისთვის -პაატა ბურჭულაძეს ასახელებს.

6.2% ფიქრობს, რომ 8 ოქტომბრის საპარლამენტო არჩევნებში მონაწილეობის შემთხვევაში, ხმასთავისუფალ დემოკრატების მისცემდა.