ვერავინ იტყვის, რომ ისინი პოლიტიკურად ანგაჟირებულნი არიან - პრეზიდენტი მოსამართლეობის კანდიდატებზე

პოლიტიკა - 20:41, 27 Jun, 2016

1234

საქართველოს პრეზიდენტი გიორგი მარგველაშვილი იმედს გამოთქვამს, რომ საქრთველოს მერვე მოწვევის პარლამენტი უზენაესი სასამართლოს მოსამართლეობის კანდიდატებად ნანა თოდუასა და თამარ ლალიაშვილის კანდიდატურებს მხარს დაუჭერს.

გადაცემა "ბარიერში" პრეზიდენტმა კანდიდატების პროფესიონალიზმსა და რეპუტაციაზე ისაუბრა.

"ასეთი პრეცედენტები ჩვენს პრაქტიკაში, ჩემსა და მერვე მოწვევის პარლამენტის პრაქტიკაში ყოფილა. აქამდეც ყოფილა რომ ჩემს მიერ წარდგენილი კანდიდატები პირველ კენჭისყრაზე ვერ გასულან, თუმცა შემდეგ დაუმტკიცებიან- ეს ერთი არგუმენტი. მეორე არგუმენტი ის არის რომ უზენაეს სასამართლოში, სისხლის სამართლის პალატაში ვითარება ძალიან პრობლემურია, იქ სადაც მე ქალბატონი ლალიაშვილისა და ქალბატონი თოდუას კანდიდატურა წარვადგინე. მესამე არგუმენტი მდგომარეობს შემდეგში რეალურად ამ კანდიდატების მიმართ არც ერთი უარყოფითი პოზიცია არავის დაუყენებია.

პრეზიდენტის თქმით, მას არგუმენტები იმის შესახებ რომ კანდიდატები გამოუცდელები არიან არ მოუსმენია.

"იყო არგუმენტი, რომ რაღაცა შესასათანხმებელია. რა არის შესათანხმებელი რა ტიპის გარიგებაზე ან ვაჭრობაზეა საუბარი მე არ ვიცი. ჩემი ვაკლდებულებაა წარვადგინო პროფესიონალი კანდიდატი, რომლის წარსულთან და მის მოღვაწეობასთან კითხვები არ არის და მათი ბიოგრაფია უმწიკვლოა. მე ეს ასე გავაკეთე და არავის უარყვია ეს. ბოლო არგუმენტი კი არის ის რომ იმ სტატუსში რომელშიც ჩვენი სასამართლო სისტემაა, მის მიმართ ძალიან ბევრი კითხვის ნიშანი ისმის მას ნამდვილად სჭირდება ნათელი პოლიტიკური ნება და პიასუხისმგებლობის აღება როგორც სასამართლო სისტემის გაჯანსაღებასთან დაკავშირებით, ისე უზენაესი სასამართლოს ფუნქციონირებასთან მიმართებაში. იმედი მაქვს რომ მერვე მოწვევის პარლამენტი შეიძლება რიგგარეშე სესიის მოწვევა, იმედი მაქვს რომ პოლიტიკოსები რომლებიც ხვალ და ზეგ მიდიან არჩევნებში და რომელთა დისკუსიებში ამომრჩეველთან სწორედ სასამართლო სისტემის გაჯანსაღება უნდა იყოს ეს პოლიტიკოსები გაიაზრებენ ვითარების სირთულეს, სერიოზულობას და მისცემენ ამ კანდიდატებს ხმას"- აღნიშნა პრეზიდენტმა.

მისი თქმით, წარდგენილი კანდიდატები პოლტიკურად ანგაჟირებულები არ არიან.

"ამ კანდიდატებზე ვერავინ იტყვის, რომ ისინი პოლიტიკურად ანგაჟირებულები არიან. მე ყველა ჩემს ვალდებულებას ვასრულებ და პარლამენტს წარუდგინე, კვალიფიციური კადრები"- აღნიშნა მარგველაშვილმა.