რუსეთთან ურთიერთობის საკითხებში პრემიერ-მინისტრის სპეციალური წარმომადგენელი ზურაბ აბაშიძე პრაღაში გრეგორი კარასინს შეხვდა. ზურაბ აბაშიძის განცხადებით შეხვედრაზე ერთ-ერთი მთავარი თემა საოკუპაციო ხაზთან საქართველოს მოქალაქის გიგა ოთხოზორიას მკვლელობა იყო, მისი თქმით ქართული მხარემ დამნაშავის უახლოეს მომავალში დაპატიმრების მოთხოვნა დააყენა, რაზეც რუსული მხარისგან მიიღო პასუხი, რომ ეს ეს აფხაზეთის დე ფაქტო ხელისუფლების პასუხისმგებლობაა და არა რუსეთის მხარის:

„ჩვენი პოზიცია ასეთია , რომ ეს პიროვნება - დამნაშავე, უახლოეს მომავალში უნდა იქნეს დაპატიმრებული, ეს შიდა პატიმრობა არის არაადეკვატური გადაწყვეტილება და არსებობს საფრთხე რომ მის სიცოცხლეს საფრთხე დაემმუქროს და ამით საქართველოს ხელისუფლება არ არის დაინტერესებული. პასუხი იყო ასეთი, რომ ეს აფხაზეთის დე ფაქტო ხელისუფლების პასუხისმგებლობაა და არა რუსეთის მხარის. მათგან პირობას არც ველოდით, ჩვენ ჩვენი პოზიცია დავაფიქსირეთ და გამოვხატეთ ის საფრთხე და რისკი რისი მატარებელიც არის ეს ტრაგიკული შემთხვევა და მოვისმინეთ მათგან პასუხი, რომ ეს აფხაზეთის დე ფაქტო ხელისუფლების პასუხისმგებლობაა და რომ ეს გადაწყვეტილება შინაპატიმრობის შესახებ მართლაც არაადეკვატურია. ასევე მათ განაცხადებს რომ მუშაობა უნდა გაგრძელდეს შესაბამის ფორმატში, რაც ჩვენთვის მისაღები მთლიანად არ არის. ეს არის რუსეთის მხარის პასუხისმგებლობაც და ამას რუსეთის მხარე მთლიანად აფხაზეთის დე ფაქტო ხელისუფლებას ვერ გადააბარებს. ეს უპერსპექტივოა.“- განაცხადა ზურაბ აბაშიძემ.