სააკაშვილი ნაციონალური მოძრაობის რეგიონული და რაიონული ორგანიზაციების ლიდერებს შეხვდა

პოლიტიკა - 10:13, 27 Jun, 2016

8131

ენმ-ს ლიდერი, ამჟამად ოდესის გუბერნარტორი მიხეილ სააკაშილი ოდესაში ერთიანი ნაციონალური მოძრაობის რეგიონული და რაიონული ორგანიზაციების ლიდერებს შეხვდა. მიხეილ სააკაშვილის განცხადებით ამერიკული ორგანიზაციის მიერ ჩატარებული ახალი გამოკითხვის წინასწარი შედეგებით, მათი პარტია ლიდერია, ოცნების რეიტინგი შემცირებულია, ენმ-დან წასულ ახალშექმნილ პარტიებს კი საერთოდ რეიტინგი არ აქვთ. ამის შესახებ სააკაშვილი ფეისბუკზე წერს:

„ერთიანი ნაციონალური მოძრაობის რეგიონალური და რაიონული ორგანიზაციების ლიდერებთან განვიხილეთ 8 ოქტომბრის არჩევნებში დამაჯერებელი გამარჯვებისთვის მზადება.

დღესვე ცნობილი გახდა ამერიკული ორგანიზაციის მიერ ჩატარებული ახალი გამოკითხვის წინასწარი შედეგები, სადაც ნაციონალური მოძრაობა საგრძნობი უპირატესობით ლიდერობს, ხოლო ქართულ ოცნებასთან ერთად ყველა სხვა პარტიის რეიტინგები შემცირებულია, მათ შორის ჩვენგან წასულ, ახლადშექმნილ პარტიებს საერთოდ პულსი არ ესინჯებათ. ყველაზე მეტად კი ის გამიხარდა, რომ ჩვენი ადგილობრივი ლიდერები კარგ ფორმაში არიან და სრულ საბრძოლო მზადყოფნაში იმყოფებიან.“ - წერს სააკაშვილი.