„რესპუბლიკური პარტიის“ წევრი თამარ კორძაია, სააპელაციო სასამართლოს მიერ რუსთავი 2-ის საქმეზე გამოტანილი გადაწყვეტილების დაჩქარებულ ვადებში ჩაბარებას ეხმაურება. დეპუტატის განცხადებით, აღნიშნულმა პროცესმა ბევრი მანკიერი მხარე გამოავლინა:

„რომ ჩავიხედოთ "სამოქალაქო საპროცესო კოდექსში", სასამართლოს გადაწყვეტილების ასე დროულად დაწერით კანონი არ დაურღვევია. ასევე ჩაბარების უფლება მას ჰქონდა. რაც შეეხება რუსთავი2-ის საქმეს, ამ პროცესმა გამოავლინა ბევრი მანკიერი ფაქტი ჩვენს რეალობაში. ვფიქრობ, ამ პროცესმა მნიშვნელოვანი დარტყმა მიაყენა მართლმსაჯულებისადმი საზოგადოების ნდობის ინტერესს,“ - განაცხადა თამარ კორძაიამ.