„ცეკვავენ ვარსკვლავების“ ფინალამდე სულ რამდენიმე დღე დარჩა და დაძაბულობა ფაქტია მატულობს. ნახევარფინალში პროექტი ჯანო იზორიამ დატოვა, ხოლო ფინალისტები ანდრია გველესიანი და სტანისლავ ბონდარენკო გახდნენ. ამის შემდეგ კი ჯანოს და სტანისლავის გულშემატკივრები ერთმანეთს დაუპირისპირდნენ. რადგან ჯანოს თბილისში ბინა არ აქვს და როგორც მისი გულშემატკივარი ამბობს, ნამდვილად ღირსეული იქნებოდა პროექტის ფინალისტობა, მოგება და ბინის მიღებაც. მათი აზრით ფინალში ორი ქართველი უნდა დარჩენილიყო და არა ბონდარენკო. ამასთან დაკავშირებით გუშინ სხვადასხვა სააგენტოებმა გაავრცელეს დათო ოქიტაშვილის კომენტარი, რომელიც ამბობდა, რომ თუ პროექტს სტანისლავი მოიგებდა, ის ბინას ჯანოს გადასცემდა საჩუქრად. დღეს კი ფეისბუკში გამოჩნდა ოქიტაშვილის ოფიციალური განცხადება აღნიშნულ კომენტართან დაკავშირებით, რომელსაც უცვლელად გთავაზობთ:

„დავით ოქიტაშვილის განცხადება

მეგობრებო, მინდა ჩემს მიერ გუშინ გაკეთებული კომენტარების ირგვლივ ატეხილ აჟიოტაჟს გამოვეხმაურო!

ორაზროვნად იქნა გაგებული ჩემი კომენტარი, სტანისლავ ბონდარენკოს გეგმებთან დაკავშირებით. სააგენტოებმა გაავრცელეს ინფორმაცია და სათაურად დაწერეს ის, რაც უკვე არ განხორციელდება. მე ამაზე ტექსტში გასაგებად ვამბობდი, თუმცა ბევრი მხოლოდ სათაურს კითხულობს და აქედან გამომდინარე ატყდა ეს გაუგებრობა!
მინდა ისევ განვმარტო, მე გუშინ დავწერე, იმის შესახებ თუ რას აპირებდა სტანისლავ ბონდარენკო მის და „ცეკვავენ ვარსკვლალვების“ ფინალისტების ირგვლივ ატეხილ აჟიოტაჟამდე. ისევ ვიმეორებ, სტანისლავი საქართველოში ქველმოქმედებისთვის ჩამოვიდა და მისთვის უჩვეულო არ იქნებოდა ეს ნაბიჯიც. თუმცა მის მიმართ აბსოლუტურად დაუმსახურებელი დამოკიდებულების შემდეგ, მისი პოზიცია ახლა ასეთია: ქართველმა ხალხმა გადაწყვიტოს ნამდვილი გამარჯვებული! ჩვენ კი დავამატებთ: ქართველმა ხალხმა გადაწყვიტოს და არა ერთეულებმა, რომლებიც გამარჯვების შემთხვევაში თვითონ არ გააკეთებდნენ არაფერს.
ახლა პროექტის ფინალში ორი უნიჭიერესი მსახიობია და გვინდა წარმატებები ვუსურვოთ სტანისლავსაც და ანდრიასაც.
ჩვენის მხრივ, საქართველოს კულტურის პალატა, გააგრძელებს იმ საქმეს, რასაც დღემდე აკეთებდა ქართული კულტურის მოღვაწეებისთვის!
ამჯერად კი ჯანო იზორიასთვის გააკეთებს საქმით იმას, რაზეც სხვები მხოლოდ სტატუსებად საუბრობენ!“