საქართველოს თავდაცვის მინისტრი თინა ხიდაშელი მიიჩნევს, რომ მნიშვნელოვანია გიგა ოთხოზორიას მკვლელის მიმართ შესაბამისი ღონისძიებები მაქსიმალურად სწრაფად გატარდეს. თავდაცვის უწყების ხელმძღვანელის აზრით, ეს ყოველივე საჭიროა იმისათვის, რომ ამ საზარელ მკვლელობას კიდევ უფრო მძიმე შედეგები არ მოჰყვეს:

"ძალიან მნიშვნელოვანია, გიგა ოთხოზორიას მკვლელის მიმართ, რაც შეიძლება სწრაფად იყოს ღონისძიება გატარებული. ეს არის ძალიან მნიშვნელოვანი. იმ შემთხვევაში, თუ გინდა არეულობა, პროვოცირება, ამ საზარელი მკვლელობის გამოყენება, კიდევ უფრო მძიმე შედეგებისთვის, არასწორი ადამიანების არასწორ თვეებში, ძალიან ბევრი არასწორი აზრი შეიძლება, გაჩნდეს. ამიტომ, პრინციპულად მნიშვნელოვანია და ჩვენ ამ საკითხს საერთაშორისო ფორმატშიც ვაყენებდით, რომ სწარფად მოხდეს ამ საკითხზე პასუხების გაცემა დე ფაქტო ხელისუფლების მხრიდან. ეს არის კრიტიკულად მნიშვნელოვანი იმისათვის, რომ კიდევ უფრო მძიმე შედეგი არ მოჰყვეს ამ საზარელ მკვლელობას",- განაცხადა ხიდაშელმა.