გერმანიაში საქართველოს საელჩოში აფხაზეთის ისტორიის, პოლიტიკისა და კულტურისადმი მიძღვნილი საღამო გაიმართა

პოლიტიკა - 13:50, 23 Jun, 2016

1314

21 ივნისს გერმანიაში საქართველოს საელჩოში აფხაზეთის ისტორიის, პოლიტიკისა და კულტურისადმი მიძღვნილი საღამო გაიმართა. ღონისძიებაზე შედგა გერმანულენოვანი გამოცემის - Abchasien/Georgien: Geschichte, Politik, Kultur - პრეზენტაცია. აგრეთვე, წარადგინეს ინგლისურენოვანი გამოცემა International Society To Bring a Verdict On The Tragedy of Abkhazia Georgia.

დამსწრე საზოგადოებას მისასალმებელი სიტყვით მიმართა საქართველოს ელჩმა ლადო ჭანტურიამ და საელჩოს უფროსმა მრჩეველმა ზურაბ ხამაშურიძემ, რომელიც დისკუსიასაც უძღვებოდა.

საღამოს სადისკუსიო ნაწილში მონაწილეობას იღებდნენ:

ჯემალ გამახარია - აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე;

ნუგზარ მგალობლიშვილი - აფხაზეთის ა/რ უმაღლესი საბჭოს დეოკუპაციის, საერთაშორისო კავშირების, განათლებისა და კულტურის კომისიის თავმჯდომარე;

ოლივერ ვოლლე - ბერგდორფის ფონდის კავკასიური პროექტების ხელმძღვანელი, კონფლიქტოლოგი.

პრეზენტაციას ესწრებოდნენ ქართული დიასპორის, გერმანიის ბუნდესტაგისა და გერმანიაში მოღვაწე დიპლომატიური კორპუსის წარმომადგენლები, აგრეთვე რუსეთ-საქართველოს ურთიერთობების მკვლევარი და წიგნის ავტორი ფილიპ ამონი.