ეროსი კიწმარიშვილის ძმის ზურაბ კიწმარიშვილი არ ეთანხმება პროკურატურის დასკვნას იმასთან დაკავშირებით, რომ ეროსი კიწმარიშვილის გარდაცვალების მიზეზი თვითმკვლელობა გახდა. ის ამ ფაქტს ეროსი კიწმარიშვილის მედია და პოლიტიკურ ინტერესებს უკავშირებს. ამასთანავე ზურაბ კიწმარიშვილის განცხადებით ეროსი კიწმარიშვილის ექაუნთი მისი გარდაცვალების შემდეგ ჰაკერმა გატეხა.

„ჩვენ გვაქვს დაზუსტებული ინფორმაცია, რომ ეროსის ექაუნთი იქნა დაჰაკერებული.“- განაცხადა ზურაბ კიწმარიშვილმა დღეს გამართულ ბრიფინგზე. მისი თქმით ეროსი კიწმარიშვილს სამომავლო გეგმები ქონდა რომელიც მედიას და პოლიტიკას უკავშირდებოდა.

„ეს აუცილებლად უნდა იყოს დაკავშირებული მისი ცხოვრების ბოლო პერიოდის აქტიურობასთან, ეს იყო მედიამიმართულება და პოლიტიკური მიმართულება, ამ ორ საქმიანობას შორის გადაკვეთები იყო. რა თქმა უნდა გამოვრიცხავ პირად შურისძიებას და ბიზნესინტერესებს. ის აპირებდა ძალიან ბევრ ადმაიანთან მოესინჯა თანამშრომლობის შესაძლებლობები, ამის ფაქტებიც არსებობს. მას ჰქონდა მცდელობა, რომ ქონოდა საკუთარი სტუდია და საწყის ეტაპზე „რუსთავი2“-თან თანამშრომლობას აპირებდა“- განაცხადა ზურაბ კიწმარიშვილმა.