არასამთავრობო ორგანიზაციები ტელეკომპანია „რუსთავი 2“-ის ირგვლივ მიმდინარე მოვლენებს ეხმაურებიან და პროფესიულ დარღვევებზე საუბრობენ. მესამე სექტორი ტელეკომპანიის წინააღმდეგ ხელისუფლების ბრძოლაზე საუბრობს.

არასამთავრობოები არ გამორიცხავენ, რომ ეს ყოველივე კავშირში იყოს საკონსტიტუციო სასამართლოში რუსთავი 2-ის საქმეზე სარჩელების განხილვასთან, რომ საკონსტიტუციოს არ დაესწრო გადაწყვეტილების მიღება.

„ადგილი ჰქონდა საპროცესო კანონმდებლობის დარღვევას, დადგენილი ვადებით მეთორმეტე დღეს თავად გაიგზავნა მხარეს გადაწყვეტილება, რაც მიანიშნებს იმას, რომ სასამართლო ჩქარობს, რაც შეიძლება მალე შევიდეს ამ საკითხთან დაკავშირებით საკასაციო სარჩელი. რაც, რა თქმა უნდა, არ შედის მხარის ინტერესებში, იქიდან გამომდინარე, რომ საკონსტიტუციო სასამართლოში მიმდინარეობს დავა და ძალიან მნიშვნელოვანია, რომ ამ თემაზე საკონსტიტუციო სასამართლომ მიიღოს გადაწყვეტილება,“- განაცხადა სამართლიანი არჩევნებისა და დემოკრატიის საერთაშორისო საზოგადოების კონსულტანტმა სამართლებრივ საკითხებში, ნინო ლომჯარიამ.