ვანო ჯავახიშვილი პოლიტიკაში მიდის? - ტელეწამყვანის განმარტება

პოლიტიკა - 21:11, 22 Jun, 2016

24207

ვანო ჯავახიშვილის შესაძლო გაპოლიტიკოსებას თავად იუმორისტი გამოეხმაურა. ჟურნალ „სარკესთან“ ცნობილი იუმორისტი ამბობს, რომ "ეს დიიდი ჭორია".
"შემიძლია ოჯახის ყველა წევრი დავიფიცო, რომ არანაირი შემოთავაზება არ მიმიღია. თუნდაც შემომთავაზონ, საკუთარ თავს პოლიტიკაში ვერ ვხედავ. ჩემს საქმეს ვაკეთებ რაც განსაკუთრებულად მიყვარს. ვიცი, პოლიტიკა რაც არის და ადამიანის რეპუტაციაზე როგორ მოქმედებს... არასწორი იქნება, მოსახლეობას ჩემს იმედს თუ გავუჩენ. არ შემიძლია ადამიანებს რაღაცა დავპირდე და ვერ შევუსრულო. პოლიტიკოსები რა წნეხის ქვეშაც არიან, ასეთი ცხოვრება ჩემთვის ძალიან მიუღებელია. ვერ დავდებ თავს, რომ პოლიტიკოსობას თავს გავართმევ, რადგან არც კანონები ვიცი და არც ამ სფეროში მუშაობის პრინციპი. ეს არის ყველაზე მნიშვნელოვანი და არა ის, რომ ცნობილი სახე ვარ და ხალხი ხმას მომცემს, რადგან მენდობა. ეს არასწორი მიდგომაა და ჩემი მხრიდან დიდ შეცდომად ჩაითვლება. რად მინდა პარლამენტი? მირჩევნია ხალხს შორიდან ვუყვარდე, პარლამენტი კი პრიოფესიონალებით იყოს დაკომპლექტებული"- ამბობს ტელეწამყვანი.
ვანო ჯავახიშვილი აღნიშნული ჭორის გავრცელებას წინა საარჩევნო პერიოდს უკავშირებს.