"პატრულმა მოქალაქეების დაშინების მიზნით იარაღი და ელექტროშოკი გამოიყენა"

"პატრულმა მოქალაქეების დაშინების მიზნით იარაღი და ელექტროშოკი გამოიყენა" - რა მოხდა გორში?

შემთხვევა - 12:36, 22 Jun, 2016

11761

მიმდინარე წლის 17 ივნისს გორში მუსხელიშვილი ქუჩაზე პატრულმა მოქალაქეების დაშინების მიზნით იარაღი და ელექტროშოკი გამოიყენა.
აღნიშნლ ინფორმაციას და ინცინდენტის ამსახველი ვიდეომასალა შიდა ქართლის საინფორმაციო ცენტრი ავრცელებს.
გამოცემის ინფორმაციით, პატრულის თანამშრომლებმა არასრულწლოვნებს ჯიბეების ამოტრიალება მოსთხოვეს. წინააღმდეგ შემთხვევაში კი, პოლიციის შენობაში გადაყვანით დაემუქრნენ.
პატრულისა და არასრულწლოვნების საუბარი იქვე მდებარე საცხოვრებელ სახლში, ერთ-ერთი მოზარდის მამას, გოჩა ავლოხაშვილს მოესმა.
რასაც მასსა და პატრულის თანამშრომელს შორის სიტყვიერი დაპირისპირება მოჰყვა, რაც საბოლოო ავლოხაშვილს დაპატიმრებით დასრულდა.
იარაღის დემონსტრირებამ და ელექტროშოკის გამოყენებამ არასრულწლოვნების მშობლები აღაშფოთა. ისინი პატრულის თანამშრომლების ქმედებებს აპროტესტებდნენ.

დაპირისპირებისას გოჩა ავლოხაშვილის ქალიშვილმა დაზიანებები სახეზე მიიღო.
ბოლო ინფორმაციით, გორში, მუსხელიშვილის ქუჩაზე მომხდარ ფაქტზე დაკავებული გოჩა ავლოხაშვილი გორის სასამართლოს მოსამართლემ ხელწერილით გაუშვა.
"ნიუპოსტი" შსს-ს დაუკავშირდა, სადაც აღნიშნეს, რომ საქმეს პროკურატურა იძიებს. შოთაძის უწყებაში ჩვენბს ზარებს არ უპასუხეს.