სტრასბურგში ევროსაბჭოს საპარლამენტო ასამბლეის საზაფხულო სესიის ფარგლებში ქართული დელეგაცია ესტონეთის საგარეო საქმეთა მინისტრს ხვდება.

პროკურატურის მიერ ვანო მერაბიშვილის ციხიდან გაყვანის ფაქტზე გამოძიების დაწყებასთან დაკავშირებით, დელეგაციის წევრი, გიორგი კანდელაკი კომენტარს აკეთებს. საპარლამენტო უმცირესობის წევრი მიიჩნევს, რომ აღნიშნულ საკითხზე გამოძიების დაწყება, აღიარებითი ჩვენების ტოლფასია:

„გამოძიების დაწყებით საქართველოს პროკურატურამ ფაქტობრივად დაადასტურა, რომ ყველაფერი რაც წერია ევროპის ადამიანის უფლებათა დაცვის სასამართლოს გადაწყვეტილებაში მერაბიშვილის საქმეზე, სიმართლეა. ეს არის ერთგვარი აღიარებითი ჩვენება. რანაირი შელამაზებითაც არ უნდა დაკავდეს მთავრობა, მთავრობას, ბიძინა ივანიშვილს არაფერი არ ეშველება,“ - განაცხადა გიორგი კანდელაკმა.