"თავისუფალმა დემოკრატებმა" დათო ტურაშვილის ახალი წიგნის "სხვა ამსტერდამი"-ს პრეზენტაცია გამართეს

პოლიტიკა - 23:10, 20 Jun, 2016

1456

20 ივნისს 19:00 საათზე კაფე ფრონტ ლაინში ,,თავისუფალმა დემოკრატებმა“გამართეს დათო ტურაშვილის ახალი წიგნის – ,,სხვა ამსტერდამი“ პრეზენტაცია. საინტერესო საღამო შედგა, დატვირთული დღის ბოლოს წიგნის მოყვარულ საზოგადოებას მიეცა საუკეთესო საშუალება უშუალოდ ავტორისაგან მოესმინა და მასთან ერთად განეხილა ნაწარმოებში აღწერილი ძირითადი საკვანძო ეპიზოდები. საპრეზენტაციო წიგნის - ,,სხვა ამსტერდამი" განხილვას მოჰყვა დათო ტურაშვილის სხვა ქმნილებების შესახებ მსჯელობა, ავტორმა ირაკლი ალასანიასთან და ,,თავისუფალი დემოკრატების" სხვა წევრებთან ერთად გაიხსენა არაერთი საინტერესო ისტორია,რომელიც გახდა საფუძველი მისი ძველი და ახალი ნაწარმოებების შექმნისა. იყო იუმორი, დათო ტურაშვილისათვის ასე დამახასიათებელი უშუალო კომუნიკაცია პოლიტიკოსებთან და უბრალოდ წიგნის მოყვარულ საზოგადოებასთან,სალონური ტიპის გარემო საუკეთესო აღმოჩნდა ერთი აპოლიტიკური საღამოს გასატარებლად. ,,ბაკურ სულაკაურის გამომცემლობამ“დათო ტურაშვილის ამ და სხვა წიგნების შეძენის მსურველებს მისცა შესაძლებლობა მიეღოთ შეღავათიან ფასში სასურველი წიგნი ავტორის ავტოგრაფით.